Nia dehan, halo reflesaun kona-ba signifikadu husi onra hirak ne’e iha  aniversáriu restaurasaun ba Independénsia ba dala 24, fó onra ba hirak ne’ebé sira-nia dedikasaun sai hanesan fundamental iha viajen, husi joven rezisténsia sira ne’ebé arriska buat hotu ba Timór-Leste nia libertasaun.

Nune'e, to’o defensór públiku sira ne’ebé garante justisa to’o ba sira ne’ebé kiak liu iha leet no ba sidadaun nasionál no internasionál ne’ebé hamriik hamutuk ho Timor-Leste iha momentu susar no kontinua la’o hamutuk ho Timor-Leste to’o ohin loron.

"Sira mak pilar moris husi nasaun.  Sira nia korajen no servisu kolektiva hodi hametin ita-nia demokrásia, haburas dame, no harii baze futuru ida-ne'ebé dignu ho sakrifísiu barak ne'ebé sira halo ona," dehan PR Horta, iha Palásiu Prezidensiál Bairu-Pite, Tersa (19/5).

Nia hatete, kondekorasaun sira ne’ebé atribui iha okaziaun Aniversáriu Restaurasaun Independénsia Timor-Leste nian ba dala 24 rekoñese la’ós de’it eroízmu pasadu maibé mós kompromisu kontínuu ba dezenvolvimentu Timor-Leste nian.

Nia reforsa, kondekoradu sira nia kontribuisaun iha setór justisa, sosiedade sivíl, kooperasaun internasionál, no solidariedade fó benefísiu diretamente ba sidadaun Timor-oan sira enkuantu fortalese instituisaun demokrátiku nasaun nian. Tanba, sira nia ezemplu sai hanesan inspirasaun ida ne’ebé dura bainhira Timor-Leste kontinua harii futuru ida ne’ebé justu, prósperu no soberanu.

Entretantu, tuir Dekretu Prezidente Repúblika Nº.54/2026, Prezidente Ramos-Horta kondekora Kolár Orden Timor-Leste no Sertifikadu Rekoñesimentu ba, João da Silva “Choque” ho Abilio Mesquita “Dalas”.Nu’udar rekoñesimentu ba sira-nia korajen, kompromisu, no espíritu rezisténsia nu’udar líder juventude durante luta libertasaun nasionál, sai nu’udar pilár fundamentál ba alkansa Timor-Leste nia independénsia.

Tanba, povu Timor-Leste hetan benefísiu husi sakrifísiu no esforsu sira ne'ebé jerasaun ida-ne'e halo durante tinan sira rezisténsia nian, no ohin loron, balun kontinua kontribui ho ativu ba dezenvolvimentu nasionál. Sira nia kontribuisaun ba Pátria merese rekoñesimentu no valorizasaun husi Estadu.

Aleinde, tuir Dekretu Prezidente Repúblika Nº.55 /2026, Prezidente Ramos-Horta kondekora Orden Timor-Leste nian iha kategoria Kolár, Medalla, no Insígnia, inklui Medalla Méritu no Medalla Solidariedade ba sidadaun nasionál no internasionál ba sira-nia kontribuisaun ba dezenvolvimentu nasionál. Kondekoradu sira hanesan, Kolár Orden Timor-Leste, Kusni Sulang, Carlos Alberto Martinho de Jesus, Adão Soares Barbosa. Kolár Orden Timor-Leste (Póstumu), Saudozu Prof. Dr. Lucas da Costa “Rama Metan’’.

Medalla Orden de Timor-Leste mak, Brigadeiro Reformado Neville John Reilly, Senior Inspector Reformado Ray Leslie Sutton. Salustiano Dos Reis Piedade, Estanislau de Sousa Saldanha, Manuel Florencio de Canossa Vong, Carla Alexandra de Jesus da Costa, Joao Muni, Alvaro Menezes Amaral, Aderita Mariana Takeleb dos Santos, Teresa Freitas Belo, Belandia da Costa Graciana, Domingos Maria B. Barreto, Edio da Costa, Nazario Gomes, Francisco Cosme de Sousa Gama, Natalino Fonseca da Silva Guterres, Helio Brites da Silva. Rudy Yanto / Rudy Yanto Kwan. José Januário dos Reis Costa. Edio Saldanha Borges. Luis Bernardo Gamboa. Francisca Maia Gonçalves.

Insígnia Orden Timor-Leste mak Kristina Ruth Webb, Nandy Gurr, Simon Benedict Fenby, Fiona Jane Hamilton. Chen Lisong. José M.S. Turquel de Jesus. Medalla Méritu mak Jude Comway, Vaughan Williams, Stuart Highway no Francisca Gonçalves.

Medalla Solidariedade mak Darren Boyd-Skinner, Dominic Zappavigna, Connor Bruce, Wayne Bruce, Matthew Carpenter, Mark Dalton, Julie Horgan, Julie Mitchell, Daniel Wall, Renee Wilson no Christopher Yow.

Tanba, kondekorasaun hirak-ne'e rekoñese sira-nia servisu inkansável hodi favorese povu Timor-Leste iha setór oioin husi dezenvolvimentu nasionál, tantu iha Timor-Leste no mós iha nivel internasionál.

Tuir Dekretu Prezidente Repúblika Nº.56/2026, kondekorasaun ho Orden Timor-Leste no Sertifikadu Rekoñesimentu atribui ba Defensór Públiku sira ne’ebé hala’o funsaun ba povu Timor-Leste nia di’ak durante dezenvolvimentu nasionál. Kondekoradu sira mak Kolár Orden Timor-Leste hanesan Sérgio de Jesus Fernandes da Costa Hornai, Câncio Xavier, Olga Barreto Nunes, Manuel Sarmento, Márcia Maria Filipe Sarmento, Sebastião Amado Nheu Ribeiro de Almeida, Fernando Lopes de Carvalho.

Medalla da Orden de Timor-Leste mak Marçal Mascarenhas, Sergio Paulo Dias Quintas, Laura Valente Lay. Medalla da Orden de Timor-Leste (Póstumu), Saudozu Rui Manuel Guterres.

Tanba ne'e kondekorasaun hirak ne'e rekoñese sira nia kompromisu, dedikasaun, no sentidu misaun ne’ebé aas nu’udar Defensór Públiku, hodi garante asesu ba justisa ba ema vulneravel sira no hametin Estadu Direitu Demokrátiku. Enkuantu nasaun prepara hodi selebra Aniversáriu Restaurasaun Independénsia ba dala 24.