PM Xanana dehan, la kleur sei ba fali Vikeke hanesan última viajen kona-ba desentralizasaun.

"Ha'u mós informa ba Prezidente Repúblika, ha'u nia vizita traballu ba munisípiu sira kona-ba desentralizasaun. Ha'u esplika ba Prezidente Repúblika katak, iha aseitasaun. Maibé ha'u mós dehan ona ba sira, ida mak prepara aan hadi’a rekomendasaun ne'ebé hasai, ba kada munisípiu tuir ida ne'ebé sei falla, ida ne'ebé ladun di'ak ne'e sira hadia tiha ita bele dehan sira hadia aan, prepara aan daudauk ona," dehan nia, iha Palásiu Prezidensiál, Bairru-Pité, horisehik.

Nia reforsa, bainhira to'o ona governu lokál ba munisípiu haree ona ba dezenvolvimentu setór privadu, liu-liu iha mikro pekena empreza, aleinde grande empreza.

Tanba, empreza sira haree ba konstrusaun, se buka dudu oan sira, Timor-oan rasik mak komesa prepara aan atu partisipa iha dezenvolvimentu nasaun ninian.

Aleinde ne’e, PM Xanana informa ba Prezidente Repúblika fila tanba iha Konsellu Ministru importante ida hodi simu Ernst & Young nia relatóriu, tanba sira hela iha Portugál.

"Mas la kleur ha'u sei ba fali Vikeke hanesan última viajen kona-ba desentralizasaun, ha'u tenke ba agora hodi fó tempu, nune'e sira kurize hodi ita halo avaliasaun fali iha Setembru oinsá atu haree loloos sé mak preparadu ona karik atu halo eleisaun munisipál," tenik nia.

Maibé, la'ós hotu-hotu dala ida, la'ós barak, la'ós konforme, preparasaun munisípiu ida-idak ninian.