PM Xanana dehan, bom finadu ba hotu-hotu, fila ba tau ai-funan sira ne'ebé husik ona hodi husu ba sira atu akompaña nafatin.

"Iha finadu ne'e ita ba rai ai-funan ba sira ne'ebé mate hodi husu sira akompaña nafatin ita, hodi kria pás no estabilidade," dehan nia, iha Palásiu Prezidensiál, Bairru-Pité, horisehik.

Nia hatete, tanba ida ne'e hakarak dezenvolve lalais hemu tua barak.

"Lori ai-funan ba matebian sira hodi husu sira akompaña ita, fó forsa nafatin ba ita," nia hatete.

Antes ne'e, Direitór Ezekutivu HABADA, Abel Amaral hatete, tanba iha finadu, dala ruma ema festeza ne'e dala barak ne'e ho tua.

"Primeiru Habada hakarak husu ba Timoroan hotu ne'ebé selebra loron finadu ne'e hotu-hotu tenke kontribui ba pás no estabilidade ho sira nia família, aldeia no suku, nune'e labele halo perturbasaun ba ema seluk ninia movimentu".

"HABADA hakarak husu mós tanba iha finadu, dala ruma ita festeja ne'e dala barak ne'e ho tua, entaun ba komunidade ka públiku hotu-hotu liu-liu ba joven foinsa'e sira, atu hemu tua karik tenke hatene an, labele hemu tua haluha an nune'e hodi kontribui fali estabiliza sira nia aldeia no suku ka munisípiu," dehan Abel.

Nune'e, husu mós ba Komandu PNTL, tanba tuir habada nia monitorizasaun ne'ebé iha hanesan Komandu Dili ne'e ezemplu ida katak sira sei destaka iha simiteriu iha Dili laran tomak. Nune'e prevene ba konflitu durante depois selebrasaun loron finadu.

"Ami hanoin polítika ida ne'e di'ak, ita husu mós ba Komandu munisípiu hotu-hotu atu bele halo tuir mós polítika ne'ebé Komandu PNTL Munisípiu Dili halo," nia hatete.

Alende husu mós ba PNTL atu halo cheek-point rigór ba mobilizasaun públiku ninian, liu-liu viajen husi Dili ba munisípiu.

Nune'e, kontrolu tantu transporte públiku no mós privadu sira, nune'e labele halai liu velusidade ne'ebé iha.

Tanba, ba transporte públiku sira atu labele tula pasajeiru ka sasan ne'e liu kapasidade ne'ebé iha. Nune'e labele mosu dezastre durante viajen husi Dili ba munisípiu ka husi munisípiu bainhira fila fali mai Dili.