Print this page

PM Deklara Sidadaun Simu Vasina Dala-2, Livre Ona Husi Teste Swab Featured

By Saturnina da Costa Maiu 28, 2021 271
Primeiru Ministru Taur Matan Ruak simu vasina dozes dahuluk iha loron 7 fulan-Abril tinan 2021. Foto:Independente. Primeiru Ministru Taur Matan Ruak simu vasina dozes dahuluk iha loron 7 fulan-Abril tinan 2021. Foto:Independente.

DILI:Primeiru Ministru Taur Matan Ruak deklara katak, sidadaun sira ne’ebé  simu vasina dala-2 bele livre halo movimentu ba mai no lapresiza tuir teste Swab.

“Sidadun ne’ebé simu ona vasina dala-2, kompleta simu vasina nia free ba fatin ne’ebé deit, seim teste,”dehan nia iha debate extensaun ba EE ba dala-14 iha PN, sesta ohin (28/05).

Nune’e, vasina mak dalan ida atu redus risku kontajiu virus, tanba ne’e iha fulan oin mai ema barak komplenta ona hodi simu vasina ba dala-2 no barak mós livre halo movimentu.

Xefe Governu hatutan, tuir lolos planu Ministériu Saúde nian atu haree uluk ba ba grupu sira ne’ebé risku, define kriteriu no tau prioridade, maibé susar tanba lori tempu naruk.

Nia akresenta, sosiedade iha Timor-Leste iha grupu tolu, grupu ida mak aseita, ida duvidozu no ida fali atrazadu.

“Ida atrazadu ne’e ka lakohi simu vasina ne’e husik ba ikus, kuandu nia hakarak mak vasina, nia lakohi ne’e nia problema, ita la fó mak sala, maibé nia mak lakohi ne’e laiha problema”,tenik nia.

Nune’e Xefe Governu dehan nia sei la ba hakneak ba populasaun nia ain hodi husu favor atu vasina.

Entretantu,tuir dadus ema ne’ebé simu ona vasina dozes dahuluk (rihun 24 dozes) ne’ebé fasilita husi COVAX Facility no dozes daruak husi Australia  ho total hamutuk 76,686.

 

Asistente Editor: Saturnina da Costa

Rate this item
(0 votes)