Rejimentu Parlamentu Nasionál iha artigu 20 iha dala rua, dahuluk Prezidente Parlamentu Nasional bele halo denunsia katak nia rasik lakohi ona assume knaar ida ne’e hodi hili fali Prezidente foun, daruak karik nia lakohi deputadu sira bele halo prosesu destituisaun ba nia.

Uluk regra destituisaun ne’e seidauk iha tanba ne’e sira bele dada malu iha PN, maibé agora ne’e PN halo ona alterasaun ba Rejimentu PN hodi hatama regra destituisaun, iha ne’eba fó dalan plenaria bele foti desizaun hodi demite Prezidente PN husi nia kargu.

Uluk ne’e Prezidente PN bele buka maneira sira hodi abandona plenaria, maibé agora ne’e, Vise Prezidente PN na’in rua bele troka nia hodi lidera meja PN.

“Iha 2017 bainhira Prezidente Parlamentu Nasional Vicente Guterres sai, iha momentu ne’eba Vise Prezidente Parlamentu Adriano Nascimento maka subtitui nia hodi lidera meja, ne’e duni ba mudansa estrtura meza Parlamentu Nasional tuir rejimentu ne’e laiha problema ida,”dehan nia.

Jurista ne’e hatete, espekulasaun ba Eleisaun Antesipada iha momentu ne’e laiha ona tanba iha dalan atu halo demisaun ba Governu hodi harii Nonu governu.

Dalan maka ne’e Primeiru Ministru atual bele rejigna aan, no iha formasaun governu foun bele indijita fila fali nia ba Primeiru Ministru nonu governu ne’e laiha problema.

Agora ne’e bola iha hotu ona sira nia liman, maibé tenke tuir konstituisaun, labele sama fali konstituisaun.