“Ita sei halo pagamentu ba ita nia entidade empregador no fakultativu sira, hahú iha loron 01 fulan-Jullu, ho total empregador sira ne’ebé INSS verifika ona dadus hodi etan subsidiu hamutuk 9.000, husi númeru ne’e kompostu husi empregador no fakultativu foun sira inklui mós sira ne’ebé adere nanis ona iha seguransa sosial,” dehan nia iha knar fatin INSS, tersa (22/06).

Tanba ne’e, Longuinhos husu ba entidade emregador sira ne’ebé hatama ona  dokumentus mai INSS, maibé seidauk verifika, atu pasensia hodi hein.

Nune’e, bainhira INSS konklui ona verifikasaun ba dokumentus sira ne’e, hafoin halo pagamentu.

Entretantu, subsidiu ho medidas neen ne’ebé Governu apoiu ba empregador no fakultativu sira mak hanesan, subsidiu extraordinariu ba trabalhador ho konta ema seluk nian iha pursentu 70 (70%),  subsidiu extraordinariu ba trabalhador  ho konta propriu, empregu individu, trabalhador servisu domestika iha pursentu 85 (85%).

Aliende, despensa iha pursentu 6 (6%), subsidiu extraordinariu ba dezempregu iha pursentu 40 (40%), subsidiu extraordinariu ba eletrisidade iha pursentu 50 (50%) no subsidiu extraordinariu ba renda iha pursentu 30 (30%).

Asistente Editor: Saturnina da Costa