Print this page
Karreta Vunerariu tula mate isin ba hakoi iha Metinaro. Foto Saturnina da Costa/INDEPENDENTE Karreta Vunerariu tula mate isin ba hakoi iha Metinaro. Foto Saturnina da Costa/INDEPENDENTE

Ohin TL Rezista Kazu Mate Na’in 1 Tan Covid-19 Featured

DILI:Ohin loron 6 fulan-Abril tinan 2021, Timor-Leste rezista kazu mate na’in ida tanba impaktu husi moras surtu Covid-19 iha sala izolamentu Lahane.

Kordenador Pilar VII, Nilton do Carmo hatete, ohin dader, oras tuku 7 liu minutu 10 iha timor rezista kazu ida mate tan Covid-19.

"Iha istoria badak ida kona-ba ita nia maluk feto ida ne’ebé hakotu nia iis, ho idade tinan 44, ita deteta kazu iha loron 24 fulan-Marsu no ita halo teste swab iha loron 23 fulan-Marsu, hafoin ita lori ba iha izolamentu tasitolu no iha loron 24 fulan-Marsu lokraik ne’e kedas ita nia saúde deteta nia hetan sintomas,"dehan nia iha Izolamentub Lahane (06/04).

Nia esplika, ekipa saúde sira halo atendementu ba kazu ne’ebé sei lijeiru no tuir observasaun husi maluk sira iha tasitolu laiha mudansa. Nune’e segunda horseik dader halo transferensia mai iha izolamentu ba kazu grave nian ne’ebé tau iha Vera Cruz maibé ho inundasaun ekipa vijilansia lori fali mai iha izolamentu lahane.

Pasiente ne’e kauza husi moras rins (gagal ginzal kronis), nune’e ohin dader pasiente hakotu nia iis.

"Ohin ita rezista kazu positivu ida ne’ebé mate tan Covid ho tipu kruseila ka kronis".

Agora dadauk mate isin atu evakua ba iha Metinaro hodi halo funebre.

Tuir dadus Covid-19, segunda horsehik (5/4), ne’ebé Sentru Intregradu Jestaun Krize (SIJK) relata katak dadus ba loron rua nia laran (4,5/4) iha kazu foun hamutuk 52, kazu rekuperadu na’in 25 no kazu ativu ohin loron baixa iha sala izolamentu hamutuk nain 472.

 

Jornalista: Saturnina da Costa

Editor: Jose Sarito Amaral

Read 516 times
Rate this item
(0 votes)