Print this page

Ohin Sidadaun Na’in 3 Infentadu Covid-19 Hakotu Iss Featured

By Saturnina da Costa Maiu 13, 2021 566
Koordenador Forsa Tarefas no Mitigasaun Surtu Covid-19 iha Timor-Leste, Rui Maria de Araujo. Foto:Dok/Independente. Koordenador Forsa Tarefas no Mitigasaun Surtu Covid-19 iha Timor-Leste, Rui Maria de Araujo. Foto:Dok/Independente.

DILI:Ohin loron 13 fulan-Maiu, Sala Situasaun Sentru Integradu Jestaun Krize (SIJK) rezista tan kazu mate ho Covid-19 na’in tolu (3).

Tuir Koordenadór Forsa Tarefas no Mitigasaun Surtu Covid-19 iha Timor-Leste, Dr. Rui Maria de Araújo hatete, pasiente ida mate iha Izolamentu Vera Cruz, na’in ida iha Kaikoli no ida seluk iha Munisipiu Likisa.

“Na’in ida iha fatin izolamentu ba kazu moderadu ho gravé iha Vera Cruz, na’in rua seluk detetadu positivu iha loron hirak liu bá, maibé rejeita atu baixa iha Vera Cruz, no obriga-an hodi hela de’it iha uma, ida iha Likisa no ida iha Kaikoli, Dili,”dehan nia iha komunikadu imprensa kinta ohin (13/05).

Tanba ne’e, ohin ekipa saúde konjunta simu informasaun katak ida iha Likisa hakotu-iis iha uma no ida iha Kaikoli, Dili, hakotu-iis iha dalan ba HNGV.

Entretantu, kazu foun ba positivu Covid-19 ba loron ohin (13/05), hamutuk na’in 253, kazu rekuperadu na’in 162 no kazu ativu iha sala Izolamentu hamutuk 1,818.

Enkuantu, tuir dadus ema ne’ebé mate ho Covid-19 hamutuk na’in 8.

 

Asistente Editor: Saturnina da Costa

Rate this item
(0 votes)