Prezidente Komisaun C PN, Cedelizia Faria dos Santos hateten, redasaun final halo hotu ona prezensa husi bankada Governu no opozisaun Partidu Libertasaun Popular (PLP) ida, inklui ho Ministra Finansas finaliza ona hato ona ba Prezidente Parlamentu.

“Ami halo ona redasaun final no marka mós prezensa husi Ministra Finansas hamutuk ho ninia kargu sefia no asesor sira,” dehan nia, iha Parlamentu Nasionál, horisehik.

Nia fundamenta, foin dadauk halo ona iha proposta hira kedas maka pasa, proposta barak maka la pasa entaun tenke halo redasaun final maioria proposta ne’ebé pasa hasai osan tokon US$ 5 husi Pensaun Mensal Vitalisia (PMV) nian ne’ebé aloka fila-fali ba area produtivu sira seluk.

Jeralmente hakarak hatete orsamentu husi Pensaun Mensal Vitalisia hasai husi tokon US$ 5 aloka ba fatin, entaun horisehik komisaun halo no haree kedas hotu halo aprovasaun, nune’e haruka ona mai meza Prezidente Parlamentu Nasionál.

“Depois de haree hotu ami halo aprovasaun no ohin ami haruka ami fó ona redasaun final ba Prezidente Parlamentu, ami espera katak orsida lokraik se tarde liu aban bele haruka ona ba Prezidente Repúblika para hodi halo promulgasaun depois publika iha Jornal da Repúblika, entaun prosesu ne’e lalais de’it,” nia dehan.

Espera, Prezidente Repúblika tanba nia akompana di’ak tebes hela prosesu sira ne’e hotu, se prezidente parlamentu lori to’o karik sei aprova promulga lalais di’ak liu tan, para espera fin du Novembru ne’e bu’at hotu-hotu bele la’o ona, tama Dezembru, Ministeriu Finansas bele halo aprovasaun ba dekretu lei ba Ezekusaun.

Ho redasaun finan ne’e tetu mentein so muda de’it maka iha kategoria balun ba kategoria seluk no programa balun ba fali programa seluk maibé ninia tetu ne’e mantein nafatin ho biliaun US$ 2.291 ne’ebé aprovadu iha Final Global, la aumenta no la hamenus.