Print this page
Ekipa EKSES Covid-20 prepara hela atu transporta estudante na'in 79 fila ba Munisipiu Covalima. Foto: Novencio do Carmo/Independente. Ekipa EKSES Covid-20 prepara hela atu transporta estudante na'in 79 fila ba Munisipiu Covalima. Foto: Novencio do Carmo/Independente.

Nesesidade Obriga, EKSES Covid-20 Lori Fila Estudante 79 Ba Munisipiu Featured

DILI:Ekipa Servisu Covalima Vitória ho Domin (EKSES Covid-20), lori fila estudante na’in 79 ba Munisipiu Covalima, tanba laiha ona nesesidade bazika liu-liu aihan atu sira konsumu.

Kordenadór Jéral EKSES Covid-20, Mario Tilman hatete, estudante sira iha mane na’in 37 no feto 42, ne’ebé hakarak fila ba munispiu ho razaun tanba iha situasaun serka sanitaria sira laiha ona hahan atu konsumu no mós osan atu seluk kost.

“Estudante sira ne’ebé hela iha kost enfrenta hela problema tanba sira laiha osan atu sosa hahan no seluk kost, iha situasaun ne’e inan-aman mós la iha osan atu sustenta sira,”dehan nia iha sede Renetil Farol, sesta ohin (21/05).

Tanba ne’e, EKSES Covid-20 kria kondisaun hodi lori fila sira ba munispiu.

Iha fatin hanesan, Koordenador EKSES Covid-20, Martinho Gusmão garantia katak, estudante sira ne’e sei to’o iha munisipiu ho diak, tanba lao tuir regras Organizasaun Saúde Mundial (OMS) nian.

“Durante ne’e ami trata hela dokumentus ba estudante sira hodi hetan guia de marsa, no teste Swab,”nia dehan.

Entretantu, estudante UNTL fakuldade-Edukasaun, departementu ensinu Biolojía, Cornelia Cardozo, agradese ba estrutura EKSES Covid-20 tomak ne’ebé organiza ona hodi transporta sira sai husi munisipiu Dili ba rai moris fatin.

“Iha situsaun serka sanitaria no estadu emerjensia ida ne’ebé ami infrenta situsaun ne’ebé defisil tebes, no ami kontenti tanba bele sai husi situsaun ida ne’e,” nia informa.

Nia hatutan, sira tenki sai tanba situasaun mak obriga, se bainhira nafatin hela iha Dili, laiha ona hahan no osan atu sustenta moris. Nune’e mós sira laiha prosesu aprendijazem.

 

Asistente Editor: Saturnina da Costa

 

Read 532 times Last modified on Sexta, 21 Maiu 2021 22:39
Rate this item
(0 votes)