"Ita iha Colegio Madre sira oin oin iha Dili laran, total Colegio sira ne’e hamutuk 12. Fulan hirak ba kotuk ekipa MSSI-Municipio Dili nian rekoilla ona dadus ba orfanatu sira no tempu badak sei distribui aihan ba sira,"dehan Xefe Unidade Sentru Solidaride Sosial Municipio Dili, Jooa Bosco iha nia servisu fatin, Bemori Dili ba online Independente ohin.
Nia dehan, rekoillamentu dadus foin finaliza no dadus ne’e sei ajusta iha data base foin mak kalkula fós kuantidade hira mak orfanatu sira sei simu.
"Teknikamente ita sei ajusta dadus husi Colegio 12 iha Dili laran, mak foin distribui fós ba sira,"dehan nia.
Xefe Sentru Unidade ne’e hateten total númeru ne’ebé atu simu ajudus seidauk hatene los tanba sei iha faze verifikasaun data base.
Aliende ne’e, MSSI-Dili mós sei halo komunikasaun ba responsavel Colegio ka Dormotorio sira iha Dili laran oinsa mekanisme transportasaun nian.
Iha opportunidade ida ne’e, Sentru Undade Solidaride Sosial Municipio Dili husu deskulpa ba públiku Governu atraza distribui ajudus ba Orfonatu sira iha teritóriu Timor-Leste. Tuir planu sei distribui mós fós ba Orfanato iha teritóriu Timr-Leste.
Apoiu sira ne’e foin hahú iha tinan ne’e. Tuir planu Orfonatu sira sei hetan tulun husi MSSI kada fulan tolu bazea ba orsamento aihan nian ne’ebé preve ona.
