Ministru Ensinu Superior, Longuinhos dos Santos hatete, sira halo ona diskusaun iha reuniaun konsellu reitores hodi tau hanoin hamutuk, oinsa atu reativa aula prezensial iha ensinu privadu no publiku.

Tanba ne’e, bainhira reativa aula prezensial ema hotu tenki tuir nafatin protokolu Ministeriu Saúde no mós Organizasaun Mundial Saúde nian.   

“Tuir rezulusaun Governu nia katak bainhira MESSK tutella atu reativa aula prezensial, nia tenki hetan rekomendasaun husi Ministeriu Saúde,”dehan nia iha Timor Lodge Comoro, sabado horseik (31/07).

Enkuantu, MESSK halo ona karta ba Ministeriu Saúde hodi rekomendasaun atu nune’e, reativa aula prezensial.

Nune’e mós atu reativa aula prezensial, estudante ho dosente sira tenki tuir vasina kompleta ou doze daruak.

Entretantu, MESSK mós sei koopera ho Ministeriu Saúde no Ministeriu Negosiu Estranjeiru no Kooperasaun (MNEK) atu fasilita estudante sira iha rai liur atu tuir vasina.

Asistente Editor: Saturnina da Costa