Eis Manorin Voluntariu Vitór Pinto hatete, nu’udar manorin ne’ebé hala'o knar ho voluntariu durante tinan 13, hahú husi 2011 to’o 2023, tan nia parte preokupa tanba iha manorin balun hetan sira nia direitu maibé balun lae.
“Ha'u preokupa katak kolega sira, ami manorin voluntariu ne'e barak maibé balun asina termu kontratu hahú kedas husi 2013 mai iha 2014 sira asina termu kontratu depois mai 2018 no iha 2013 sira asina tan kontratu, balun mak asina ami balun lae, entaun ho situasaun ne’e ami preukupa tanba sá?,”dehan Vitor Pinto ba Jornalista INDEPENDENTE, iha Edifisiu Jornal INDEPENDENTE, foin lalais ne’e.
Nia hatutan, tanba sa mak situasuan ne'e bele afeita ba sira, hala'o knaar hanesan, nivel estudu hanesan maibé balun iha deireitu, balun la iha, ikus mai, iha tinan 2024 IX governu konstitusional hapara tiha sira vuluntariu ne’e.
Nia esplika, bainhira nia hahú haknar-aan nu’udar manorin voluntariu no hanorin iha eskola Ensinu Sekundaria Kongregasaun Jezuita, Tibar, Munisipiu Líkisa, husi tinan 2011 to’o 2016. Aleinde ne’e, iha tinan 2017 to’o 2023, nia hanorin iha Eskola Sekundaria Téknika Vokasional, Hera, Munisipiu Dili, maibé seidauk hetan kontratu husi Ministeriu Edukasaun.
"Husi ne'e, iha tinan 2013 kolega balun asina termu kontratu husi governu ami la lae, razaun ami naran la tama lista, entaun ami la konsege asina, ami buka dalan ba klarifika iha Edukasaun Munisipiu Likisa nian no sira fó dalan mai ami maka, ami tenki halo karta reklamasaun kolektivu hato’o ba iha Edukasaun Munisipiu Líkisa no sira lori karta reklamasaun ne’e ba iha nasional, entaun rezultadu husi reklamasaun ne’e kolega nain rua mak asina termu kontratu, ami na'in lima lae, iha eskola ida deit" dehan eis Manorin.
Esplika tan, maibé hanorin nafatin too iha 2016, maibé iha tinan 2017 manorin ba hanorin fali iha Eskola Sekundaria Téknika Vokasional (ESTV) Hera, no Manorin ne'ebé hanorin iha ESTV hera hamutuk na'in haat (4), maibé kolega na'in tolu asina termu kontratu, maibé nia la asina ho razaun naran tama iha sistema Edukasaun ne'ebé haraik manorin reklamante, tan ne’e nia labele asina kontratu iha 2017.
Nune’e, husi 2017 to’o iha 2018 manorin balun ne'ebé ho voluntariu, Nia parte rona katak sira asina tan termu kontratu tanba sira hala'o kanar ho voluntariu iha eskola públiku no privadu sira, maibé hanorin ho diploma ida sekundariu la’ós ho nivel baixarelatu ou lisensiatura maibé governu fó termu kontratu indetermimadu ba sira, maibé balun nafatin la kontratu ho razaun saida sira la hatene.
Entaun husi 2018 to’o 2020, ME komesa halo planu tenki halo verifikasaun ba manorin reklamante sira iha teritoriu nasional to'o 2021, no hetan manorin reklamante hamutuk rihun lima resin, nune’e iha 2023 governu fó kontratu ba manorin voluntariu la to'o rihun rua, kuaze rihun ida atus lama (1500) resin de’it balun la fó kontratu iha tinan 2023 no to'o 2024 IX governu liu husi ME hapara tiha sira.
Nune’e, iha tinan 2024, Ministeriu Edukasaun loke vaga bolsa kandidatu ba sidadaun sira ne’ebé hakarak sai manorin atu bele konkore iha vaga refere.
Tanba ne’e, iha tinan 2025, nia mós konkore iha vaga bolsa kandidata ne’e, maibé ikus mai la pasa iha teste ba vaga refere.
"Ami ne'ebé voluntariu murni, seidauk hetan direitu oituan sira hapara los tiha, ho razaun hapara tiha depois fó fali teste bolsa kandidatu, ami simu iha teste ida ne'e ami preukupa ami nia valor la to'o maibé balun la valór la to'o Ministeriu fó valór bonus 10 pontus, entaun ami ne'ebé voluntariu kleur tiha ona balun tinan 15 balun tinan 13, entaun ami hanesan sidadaun timoroan hato'o ami nia preukupasaun ne’e ba Ministeriu Edukasaun," nia hato'o.
Nia hatutan, sira ne'ebé asina kontratu iha 2023 ME fó valor bonus pontus 10, maibé sira ne'ebé voluntariu governu la fó valor bonus.
"Ami nia ezijénsia labarik ida, ami la husu kontratu, ka kontratu ida ne'ebé indeterminadu ami la husu osan ka kargu maibé ami husu valór bonus labarik ida maibé ami husi pontus 20 deit hodi rekoopera valór teste ne'ebé iha no valores bonus ne’e bolu naran valór bonus dedikasaun ezkluzivu rekooperasaun," nia hato'o.