Print this page

MAE Apela Ba Autoridade Suku Mobiliza Populasaun Partisipa Iha Vasina Featured

By Saturnina da Costa Juñu 10, 2021 629
Auridade lokal sira konvoka reuniaun ho PM iha Ministeriu Finansas. Foto:Gab.PM. Auridade lokal sira konvoka reuniaun ho PM iha Ministeriu Finansas. Foto:Gab.PM.

DILI: Governu liu husi Ministériu Administrasaun Estatal (MAE) apela ba autoridade suku sira hotu iha Timor-laran tomak atu mobiliza populasaun sira partisipa iha kampaña vasinasaun, hodi kombate surtu Covid-19.

Tuir Ministru Administrasaun Estatal (MAE) Miguel Pereira de Carvalho hatete, hahú iha loron 10 fulan-Juñu lansa vasina doze daruak iha munisipiu hotu, nune’e importante tebes ba xefe-suku no xefe aldeia sira hamutuk 8,900 bele mobiliza populasaun sira atu hetan vasina.

“Ha’u hakarak apela ba membru konsellu suku, xefe suku, xefe aldeia sira atu mobiliza ita nia populasaun hodi partisipa iha kampana vasinasaun, tanba ne’e Governu fó insentivu ba ita nia lideransa komitaria sira hotu labele obriga ita nia populasaun sira hodi vasina, maibé tenke fó konsellu nafatin ba sira hodi bele hakat ba iha sentru vasinasaun nian tanba vasina ne’e hanesan fó benefisiu bo’ot ida mai ita,” dehan nia iha Ministeriu Finansas, (09/06).

 Entretantu, tuir dadus atual to’o loron 8 fulan-juñu, ema hamutuk 93,525 iha teritoriu Timor-Leste mak simu ona vasina dozes dahuluk hodi kontra Covid-19, ne’ebé reprezenta pursentu 12 (12%) husi populasaun ho tinan 18 ba leten.

Asistente Editor: Saturnina da Costa

Rate this item
(0 votes)