Koordenadór ba Ekipa Saúde Nasionál iha Ministériu Saúde atuál Diretór Jerál SNAEM.IP, Simplicio Amaral  hatete, hahú abertura jogu CPLP, iha loron 19 jullu iha estádiu Munisípal Dili, ekipa  saúde  nasionál halo evakua pasiente na'in 12.

 “Hori-bainrua (Sabadu) ne’e pasiente hamutuk na'in 12, sira mesak mak penontomg sira de’it no iha loron manas sekitar jam 3:00, avo ida kuaze idade 65 mak dezmaia monu, entaun ita nia ekipa evakua ba Klínika Formoza no na'in ida mak evakua ba Klínika Vera-kruz, tanba nia isin manas latun, maibé ba jogador sira monu kois de’it, entaun sira ida médiku desportiva, primeiru sokoru mak sira ba haree rega kois lalais de’it sira di’ak fila-fali ona,” Dehan  nia, ba Jornalista sira, iha nia kna'ar fatin, Kaikoli, Segunda(21/07).

Nia informa,  pasiente na'in-rua ne'ebé mak ekipa saúde nasionál halo evakuasaun ba Sentru Saúde Formoza no Sentru Saúde Vera-Kruz, ida avo ne'e desmaia no ida fali isin manas latun, maibé sira na'in 10 ne’e, ekipa médiku halo observasaun de’it ba sira nia saúde.

“Pasienta na'in rua mak evakua ba Sentru Saúde rua ne’e, maibé sira na'in 10 ne’e, ba halo observasaun hotu fila-fali, tanba sira mai sedu, balun hamlaha no iha joven mane na'in rau mak sa’e moru, entaun monu sira na'in rua nia liman fuan mak kanek, tanba sira sa’e moru hadau malu, maibé situasaun atu hanesan ho vizitasaun Amo Papa nian, sira  ida monu ne’e mesak joven hotu de’it,” Nia afirma.

Jogu daruak nain, nia informa, Ekipa saúde nasionál evakua tan pasiente na'in haat (4), na'in rua iha jogu tenis nian no hodi kalan iha tan na'in rua, ida membru Polísia Nasionál Timor-Leste no na'in ida komunidade.

“Ne'ebé loron rua  ne'e Ekipa halo evakuasaun hamutuk pasiente na'in 16,” Nia informa.

Nia salienta, pasiente na'in haat, tanba ekipa saúde atende jogu tenis iha UNTL nian, balun trauma iha ain-tuur ho liman, tanba sira baku tenis na'in rua.

Depois, ida fali mak hori-kalan joga kontra entre Cabo-Verde ho Angola, entaun iha ida, membru PNTL ida mak tensaun, iha tenis ne'e, horseik mós atleta tenis ida husi Cobo-Verde lima kanek.

“Entaun ita-nia ekipa sira husi HNGV mak halo kurativu iha VIP room, ne'e na'in rau iha tenis no rua iha estádiu ne'ebé jogu hahú husi Abertu to'o horseik ne'e ita atende pasiente hamutuk na'in 16,” Nia esplika.

Nia informa, pasiente nia idade kauze maioria joven de'it, balun idade 20,  balun idade 15 no mós balun idade 40.

“Sira diferente idade, husi númeru hirak ne'e, na'in 10 ita atende de'it iha postu saúde ne'ebé mak ita establese ona, no na'in rua seluk, ita evakua, ida avo ba sentru saúde Formoza no no iha señór  fali ita lori ba Vera-kruz, até segundu dia ona ita seidauk evakua pasiente ruma ba Hospitál Nasionál Guido Valadares,” Nia relata.

Nia reforsa, pasiente sira-ne'e mak ekipa  saúde nasionál atende maioria kondisaun kaman de'it no la iha ida mak  kondisaun grave.

“Ita ekipa saúde nasionál mós apoiu ekipamentus médiku bázika balun ba ita nia maluk sira, ekipa médiku sira husi Cobo-Verde, ita fó ai-moruk, ita fó sprei ba sira hodi asegura sira nia jogu, tanba horseik ne'e ita haree Cobo-Verde sira mós monu barak, entaun sira-nia doutór sira mós ami haree tama dala-rua no tolu iha kampu laran,” Nia hakotu.

Entretantu, durante jogu abertu CPLP, iha  estádiu Munisípal Dili, Ekipa Saúde Nasionál koloka pesoál saúde hamutuk na'in 160, ambulansia 10, iha mós kolokasaun ba iha kampu sira-ne'ebé mak realiza jogu modalidade seluk.