Print this page

Lista Subsídiu Jornalista Haruka Ona Ba MF

By Aquino Gomes Agostu 14, 2020 2052
Jornalista sira nebe destaka iha Parlamentu Nasional. Foto dok. Jornalista sira nebe destaka iha Parlamentu Nasional. Foto dok.

DILI: Lista subsidiu ba Jornalista ne’ebé identifika hala’o knar iha liña oin durante periodu estadu emerjensia iha ambitu Covid-19 haruka ona ba Ministériu Finansas.

Ministru Asuntu Parlamentares no Komunikasaun Sosial (MAPKOMS), Francisco Jeronimo hatete, Sentru Integradu Jestaun Krize (SIJK) sai hanesan sentrál ba jornalista hodi hetan informasaun durante periodu estadu emerjensia.

“Ha’u hanoin husi parte ami nian, halo tiha ona identifikasaun no haruka hotu ona ba iha Ministeriu Finansas,”informa Ministru Jeronimo iha Parlamentu Nasionál, (13/8).

Nia klarifika, naran sira ne’e iha hotu ona sertifikasaun, ne’e duni sei hare hodi nune’e bele identifika loloos para bele la’o tuir saida maka iha.

“Atu dehan de’it katak, front line ne’e maka sira ne’ebé hala’o servisu iha fronteira, izolamentu, kuarentena, Aeroportu no Munisipiu sira ne’ebé estabelese kuarentena,” tenik nia.

Nia argumenta, ema sira ne’e nia naran iha hotu, tanba ira hotu hala’o servisu iha front line durante periodu estadu emerjensia.

Rate this item
(0 votes)