Print this page

Lista Membru Governu Pendente kompeténsia PM Taur Featured

By Fevereiru 09, 2019 5326
Primeiru Ministru Taur Matan Ruak hasoru malu ho Presidente Republika Primeiru Ministru Taur Matan Ruak hasoru malu ho Presidente Republika

DILI:Presidente Repúblika Fransisco Guterres Lú Olo hatete, lista pendente kandidatu membru Governu ne’ebé seidauk simo posse ne’e kompetensia Primeiru Ministru nian.

Tuir Xefe Estadu dehan, ne’e kompeténsia Primeiru Ministru nian bele hili se de’it mak atu sai membru Governu.

“Prosesu diálogu, ha’u kontinua hanoin nafatin para halo diálogu, agora importante mak hotuhotu fó hanoin no boa-vontade atu ko’alia no ita bele haree kestoens ne’ebé ba interese povu no interese nasaun nian. Agora pontu importante ida ne’ebé atu diskute mak ita atu haree ba situasaun ita-nia estadu ne’e rasik,” dehan Prezidente Repúblika, Sesta ne’e iha Palacio Nobre Lahane, Dili.

Lista pendente kandidatu membru Governu ne’ebé seidauk simu posse ema na’in sia. Na’in sia ne’e la hetan posse tanba PR Lú Olo deskonfia involve iha kazu korrupsaun.

Husi tota listal ne’e, na’in ida rezigna an ona ho naran Antonio Verdiál husi Partido KHUNTO no oras ne’e hala’o fali nia knaar nuudar deputadu. Sira seluk tuir informasaun katak balun sai ona assesor ezekutivu iha Ministeriu Governu sira.

Rate this item
(1 Vote)
Jose Sarito Amaral

Latest from Jose Sarito Amaral