Print this page

Laiha Aimoruk COVID-19, Pasiente Mear Fó Aimoruk Mear Featured

By Jasinto Xavier Abril 18, 2020 2316
Ekipamentu COVID-19. Foto esp. Ekipamentu COVID-19. Foto esp.

DILI:Nasaun hotu-hotu iha mundu seidauk iha aimoruk espesifiku hodi kura moras virus corona (COVID-19) bainhira ema konfirmadu afeitadu positivu.

Tanba ne’e, alternativa ida mak ema ne’ebé konfirmadu positivu COVID-19 fó de’it aimoruk mear, isin manas, no dada iis ladiak.

“Loos duni, sira iha sala izolamentu la hemu aimoruk, ita mear karik fó aimoruk mear nian, ulun moras karik fó aimoruk ulun moras nian, isin manas karik fó aimoruk isin manas nian, karik dada iis ladi’ak fó aimoruk ajuda para dada iis, kuandu presiza ventilador bele uza hodi dada iis,”dehan nia, iha CCD, ohin.

Dr. Sergio esplika, corona virus to’o oras ne’e laiha aimoruk, nasaun barak koko ona aimoruk antiviral sira hanesan klorokine, maibé seidauk iha rekomendasaun atu halo kompras masal, tanba ninia efeitu seidauk priense rekejitu sientifiku hatudu katak aimoruk ne’e maka kura moras ne’e.

Aliende ne’e, eis Ministru Saúde rekoñese ne’e katak ventiladór iha sala izolamentu ne’e foin ida de’it, maibé sira na’in 17 ne’ebé positive COVID-19 la presiza ventiladór tanba sira laiha sintomas, maibé oras ne’e governu hahú halo prosesu kompras.

Molok ne’e, Sergio mós hateten ona, mediku sira iha sala izolamentu la la fó aimoruk espesifiku COVID-19 nian. Maibé mediku sira halo rekomendasaun ba sira atu deskansa barak, han hahán saúdavel atu sira nia sistema imunidade ne’e forte atu kombate rasik virus ne’e.

Rate this item
(0 votes)