Tuir Marcelino, bazeia ba mapamentu munisipiu Dili, total area potensial agrikultura iha Hera kuaze ektares 84. Maibé iha tinan 2024, iha de’it ektares 46 mak utiliza hodi kuda hare.
"Area pontesial ba natar agora daudaun sira halo konstrusaun nune’e labele uza hodi kuda hare,” dehan Marcelino ba Jornalista Jornal INDEPENDENTE, iha nia kna'ar fatin, Bekora (12/02).
Iha tinan 2025 no 2026, liu husi koordenasaun ho Ministériu Agrikultura, Pekuária, Peska no Floresta (MAPPF), Munisipal Agrikultura Munisipiu Diliprepara programa subsidiu hodi aproveita natar ektare 45 ne’ebé iha.
“Planu subsidiu ba area natar ektares 52,signifika planu subsidiu ba ektares 16 hodi aumenta ba ektares 45, ita hetan 30%,” dehan nia.
Maske nune’e, nia hatutan, kompara ho Munisipiu sira seluk, Dili laiha irrigasaun boot nune’e agrikultor sira paroveita udan-been halo kultivasaun hodi kuda hare iha area pontesial sira.
Iha tinan kotuk, area kultiva hare hamutuk 45 ektares iha Herakonsege produs hare kulit tonelada 135, ne’ebé konverta ba foos hamutuk tonelada 81.
"Ita koko nafatin serbisu, mezmu Munisipiu Dili area pontesial natar klot ,” dehan nia.
Diresaun Serbisu Munisipal Agrikultura Munisipiu Dili, Marcelino hatutan, nafatin jere nia papelhodi distribui fini hare, batar no sira seluk ba agrikultór sira.
2026, agrikultor fila rai ektare 2 hodi kuda batar
Iha tinan 2026, agrikultór sira iha Hera,Metinaro, no Dili, fila rai hamutuk ektares rua atu kuda batar.
"Ita iha sesaun ida ne'ebé fila rai dala ida no mós presiza trator atu fila rai ne'e rahun nune'e hodi kuda batar," dehan nia.
Tuir nia, mudansa klimatika afeita mós ba komunidade sira niabatar, nune'e tekniku sira sei halo levamentu dadus iha terrenu hodi bele oferese fini ba agrikultór atu kuda iha area sira ne'ebé pontesial.
“MAPPF apoiu fini batar hamutuk rihun 3 toneladas mai Diresaun Serbisu Munisipal Agrikultura Munisipiu Dili nune'e fornese ba agrikultór sira iha area pontesial atu kuda batar,” nia informa.
Tuir dadus, iha tinan 2024-2025 produsaun batar iha Dili atinze tonelada 53 husi area ektares 113 ne’ebé utiluza.
Editor: Jorgino dos Santos