Lansamentu iha 27 Fevereiru ne’e hetan partisipasaun husi Sekretáriu Estadu Arte no Kultura, Jorge Soares Cristovão, ne'ebé subliña importánsia husi espasu sira hanesan ne'e.

"Ha'u hanoin importante tebes, tanba kafe kontainer tais sei fó espasu ba jovenatu espresa sira-nia talentu ne'ebé iha. Tanba Kafe Kontainer tais laos kafe de'it, maibe iha mós mini estudiu ida no fatin ba joven sira atu halo diskusaun, liu-liu ba área arte," dehan Jorge ba jornalista sira, iha kampus IOB, Fomentu II.

Sekretariu Estadu ne’e promete sei apoiu inisiativa ne’e hodi fó espasu ba artista foin-sa’e sira atu espresa sira-nia talent.

"Ita fo espasu ba artista foun sira ne'ebé seidauk hetan palku atu espresa sira-nia talentu ne'ebé iha," katak nia.

Tuir nia, maske espasu ne’e iha resintu IOB, ida ne'e la signifika estudante IOB de'it mak bele utiliza, maibé nakloke ba publiku.

"Ami sei apoiu ba atividade espresaun artistiku, tanba ne’e hakbesik an mai kolabora hamutuk hodi uza fatin ne'e hanesan palku espesaun talentu," dehan nia.

Iha fatin hanesan,Reitór Institutu of Business (IOB), Pedro Barreto Ximenes, apresia ho inisiativa husi Koordenadór Kontainer Tais, ne'ebé servisu di’ak hodi finaliza projetu ne'e.

"Ha'u apresia ho alin Natalino Ximenes nia inisiativa, mesmu ho dezafiu barak. Tanba ne'e ha'u sente inisiativa ne'ebé mak joven sira seluk presiza atu banati tuir," katak nia.

Reitór ne'e hatutan, Kontainer Tais laos ba estudante IOB de'it, maibénakloke ba ema hotu ne'ebé hakarak mai espresa sira-nia talentu.

Koordenadór Kontainer Tais Coffe Shop, Natalino Ximenesinforma, projetu ne'e benefisia husi programa prokultural palop-tl, finansia husi Uniaun Europia ho monatante orsamentu rihun $10.636.

Aleinde ne’e, Diresaun Nasionál Turizmu, Ministériu Komersiu Industria, oferese mós orsamentu rihun $15.

Kontetor tais haat ne'e kompostu husi espasu ba estudiu muzikal, palku eventu, kafertaria no mos fatin formasaun.