Print this page
Nasional

KM nomea Rosário da Graça asume Prezidente RTTL,E.P Featured

By Ekipa INDEPENDENTE Janeiru 27, 2026 252
Prezidente Konsellu Administrasaun Rádiu no Televizaun Timor-Leste,Empreza Publika (RTTL,E.P) foun, Rosário da Graça Maia// Prezidente Konsellu Administrasaun Rádiu no Televizaun Timor-Leste,Empreza Publika (RTTL,E.P) foun, Rosário da Graça Maia//

DILI: Konsellu Ministrus (KM), aprova projetu rezolusaun Governu, ne’ebé aprezenta hosi Ministru Prezidénsia Konsellu Ministrus, Agio Pereira no Sekretáriu Estadu Komunikasaun Sosiál, Expedito Dias Ximenes, ne’ebé determina ezonerasaun ba atuál Prezidente Konsellu Administrasaun Rádiu no Televizaun Timor-Leste,Empreza Publika (RTTL,E.P), Elizeu Isaac Fernandes.

Husi ezonerasaun ne’e, Koselllu Ministru nomea fali Rosário da Graça Maia hodi asume kargu nu’udar Prezidente Konsellu Administrasaun foun ba empreza publika radiodifuzaun ne’e nian ho mandatu tinan haat.

“Nomeasaun ne'e prodús efeitus hahú loron 1 fulan-fevereiru tinan 2026 no bazeia ba imparsialidade, integridade, kapasidade téknika no jestaun Prezidente foun nian, no mós ninia esperiénsia profisionál no senioridade ne’ebé hetan rekoñesimentu.,” Sita Komunikadu ne’ebé online INDEPENDENTE asesu, tersa (27/01).

Purtantu, iha loron 26 fevereiru 2025, Konsellu Ministru nomea Elizeu Isaac  Fernandes hodi asume kargu nu’udar Prezidente foun Konsellu Administrasaun Radiu no Televizaun Timor-Leste, Empreza Publika (RTTL,E.P) ba mandatu tinan haat no ezenora José Belo husi Kargu Prezidente RTTL.

Rate this item
(0 votes)