Vise-Ministra ba Asuntus ASEAN, Milena Maria da Costa Rangel parisipa sorumutu Konsellu Ministru extra-ordinariu, sexta (20/02). FOTO: Media G-PM//
DILI: Sorumutu Konsellu Ministrus (KM) extra-ordinariu aprova Proposta husi Vise-Ministra Milena Rangel, revizaun final ba kuadru komprimisus Timor-Leste iha ambitu akordu Komersiu Beins ASEAN (ATIGA) nian, ho objetivu atu kumpre rekizitu sira ne’ebé nesesáriu ba adezaun plena ba akordu ne’e no asume obrigasaun sira ne’ebé mosu husi Komunidade Ekonómika ASEAN nian.
“Revizaun ne’ebé agora aprova ona foka liu kona-ba oferta finál asesu ba merkadu ne’ebé aprezenta husi Timor-Leste, tuir negosiasaun ho Estadu-Membru sira ASEAN nian,” Sita Komunikadu ne’ebé Media Online INDEPENDENTE asesu husi Media G-PM, Sexta (20/02).
Enkuadramentu ida-ne’e ho objetivu atu garante ekilíbriu entre integrasaun rejionál no salvaguarda interese estratéjiku no ekonómiku nasionál, hodi promove kreximentu sustentável no kompetitividade setór produtivu no servisu nian iha país ne’e.