Ho inisiativa ida-ne’e, objetivu mak atu substitui Aneksu ne’ebé relasiona ho Kuadru Kompromisus (Schedule of Commitments–SoC) tuir Akordu MNP (Movement of Natural Persons), atu nune’e bele garante ninia konformidade formál ho modelu komún ne’ebé ASEAN adota ba Estadu-Membru hotu-hotu. Alterasaun ne’ebé propoin hanesan de’it ezersísiu reformatasaun téknika ida no la introdús modifikasaun ruma ba substánsia, nivel ka ámbitu hosi kompromisu sira ne’ebé Timor-Leste assume,” Sita komunikadu ne’ebé Media Online INDEPENDENTE asesu husi  Media G-PM, Sexta (20/02).

Komunikadu reforsa, reformatasaun ba Kuadru Kompromisus husu tuir adosaun modelu armonizadu ida hosi ASEAN, no dokumentu reformuladu hetan aseitasaun no aprovasaun iha fulan-dezembru 2025. Ho aprovasaun ba Proposta Rezolusaun Parlamentu Nasionál nian ida-ne'e, asegura ona kondisaun formál sira ne'ebé nesesáriu ba depózitu hosi Instrumentu Adezaun Timor-Leste nian ba Akordu ASEAN kona-ba Sirkulasaun Pesoas Singulares, hodi reforsa prosesu integrasaun nasionál iha mekanizmus organizasaun nian.