Print this page

KHUNTO Husik Xanana Tanba "Hanoin" Povu Featured

By Aquino Gomes Abril 30, 2020 3722

DILI: Partidu Kmanek Haburas Unidade Nacional Timor Oan (P.KHUNTO) deklara ses husi Koligasaun Aliansa Maioria Parlamentar (AMP) foun ne'ebé lidera husi Kay Rala Xanana Gusmão, tanba hanoin povu.

“Partido KHUNTO ho konsiente rasik iha momentu ida ne'e hakarak hato'o agredese-wain ba Maun Bot Xanana Gusmão nuudar Lideransa Partido CNRT no AMP ho Partidu PD, UDT/F-MUDANSA no PUDD ne'ebe durante ne'e ita servisu hamutuk, ho momento importante ida ne'e iha situasaun difisil tebes mai Partido KHUNTO atu foti desizaun, maibé tanba haree ba interese povo no ita nia estado maka Partido KHUNTO foti desizaun ses husi Koligasaun AMP foun,”dehan kuadru partidu KHUNTO, Nicolao Lina Freitas, liu husi konferensia imprensa, iha sede KHUNTO, Manleuana, Kinta (30/04).

Maske nune’e, Partido KHUNTO sei tane nafatin Maun Bo'ot Kay Rala Xanana Gusmão no prontu atu servisu hamutuk iha tempu oin ba interese povo no nasaun Timor-Leste.

Tanba hare’e ba situasaun politika rai laran laiha serteza ba solusiona empase politika ne'ebé akontese durante tinan tolu nia laran. Hanesan partidu politiku tenki iha posizaun politika hodi fó solusaun ba empase politika ne'e.

“Ho respeitu tormak ba Maun Bo'ot Xanana Gusmão, Presidente Partidu CNRT, no Lideransa sira seluk mai husi PD, UDT/F-MUDANSA no PUDD nuudar parseiro aliadu iha novo koligasaun ne'ebé asina akordo koligasaun iha dia 22 de Fevereiro de 2020 iha Sede CNRT Bairo Grilos-Dil,” dehan nia.

Nia afirma, ituasaun koligasaun AMP seidauk hetan konfirmasaun no aseitasaun husi Presidencia da Republica ba existència husi koligasaun refere hodi fo alternativu ba formasaun IX Governo.

Partido KHUNTO konsidera ba deklarasaun konfiansa no apoiu tomak husi Sua Excelência Presidente da Republica Fransisco Guterres "Lú-Olo" ba iha Primerio Ministro Taur Matan Ruak atu lidera nafatin VII Governo Konstituisional.

“Partido KHUNTO hola partemos iha estrutura Oltavu Govemo Konstitusional nune deside sei fó apoiu tomak ba oitavo Governo Konstitusional too iha tinan 2023,” nia hatutan.

Rate this item
(0 votes)