Print this page
Nasional

Kada Tinan, Governu Kontribui Finanseira rihun $400 ba Sekretariadu ASEAN Featured

By Ivonia Varela Dezembru 04, 2025 151
Ministru Negosiu Estranjeiru no Kooperasaun, Bendito Freitas hamutuk ho Vise Ministra ba Asuntu ASEAN aprezenta dokumentu ofisiál admisaun Timor-Leste (TL) nian bá Association of South East Asian Nations (ASEAN) iha Reuniaun Konsellu Ministru (KM), Kuarta (03/12/2025). Foto: Media GPM Ministru Negosiu Estranjeiru no Kooperasaun, Bendito Freitas hamutuk ho Vise Ministra ba Asuntu ASEAN aprezenta dokumentu ofisiál admisaun Timor-Leste (TL) nian bá Association of South East Asian Nations (ASEAN) iha Reuniaun Konsellu Ministru (KM), Kuarta (03/12/2025). Foto: Media GPM

DILI: Governu liu husi reuniaun Konsellu Ministrus (KM), aprova projetu Rezolusaun Governu nian, ne’ebé autoriza kontribuisaun finanseira ida ba Unidade Timor-Leste iha Sekretariadu Asosiasaun Nasaun Sudeste Aziátiku (ASEAN), ho montante dolar amerikanu rihun atus haat ($400.000).

Projetu Rezolusaun ne'e aprezenta husi Vise-Ministra ba Asuntus ASEAN, Milena Maria da Costa Rangel.

Ministru Negosiu Estranjeiru no Kooperasaun, Bendito Freitas hatete, alokasaun rihun atus haat kada tinan ne’e, la’ós deit nu’udar dever estadu membru, maibé mós atu atu fó apoiu ba funsionamentu unidade Timor-Leste iha ASEAN.

Tanba ne’e, liu husi apoiu ne’e hein katak sei garante atividade importante sira ne’ebé relasiona ho prosesu intergrasaun ba ASEAN la’o ho diak.

Entretantu, Kontribuisaun ida-ne’e ho objetivu atu fó apoiu ba funsionamentu Unidade Timor-Leste iha ASEAN, hodi garante kontinuidade atividade esensiál sira hodi akompaña prosesu integrasaun Timor-Leste nian ba ASEAN, hafoin adezaun plena nasaun nian, ne’ebé formaliza iha loron 26 fulan-outubru tinan 2025.

Entretantu, ho komprimisiu ne’e, Governu Timor-Leste afirma ninia prontidaun hodi hala’o papel ativu iha mekanizmu rejional ASEAN no mós haforsa ninia pozisaun iha rejiaun.

Rate this item
(0 votes)
Last modified on Kinta, 04 Dezembru 2025 14:38