Jornalista ne’ebé simu ona vasinasaun ne’e, kompostu husi jornalista jornal Independente, online Neon Metin, RTTL, Online Dili Post, STL, Timor Post, Ajensia Lusa, Tatoli no media seluk tan.

Iha fatin ketak, Vise Kordinador SIJK, Dra. Odete Viegas Informa katak, kuantidade vasinasaun Astra Zeneca ba faze dahuluk ne’e hamutuk dose rihun 24. Tanba ne’e ba faze dahuluk ne’e fó prioridade ba uluk ema liña oin de’it.

Vasinasaun AstraZeneca ne’e total dose rihun 24, ne’ebé Governu simu husi Organizasaun Saude Mundial (OMS) COVAC.

“Vasinasaun Astrazenaca ne’e limitadu antaun ema ne’ebé sei simu dahuluk mak ema ne’ebé servisu iha liña frente ba Covid-19 nian mak hanesan, ofisial mediku media sira, F-FDTL, PNTL, funsionariu aeroportu, funsionario EDTL no funsionario sanitasaun sira,"dehan Odete Viegas iha Sentru Saude Formoza ba Jornalista media online Independente iha Sesta ne’e.

Nia apela ba populasaun tomak atu hein vasina daruak iha semana oin tanba Vasinasaun Astrazenaca doze rihun 10 husi Australia sei to’o Timor-Leste iha semana oin.

Aliende ne’e, membru Governu, mediku sira, membru PNTL mós simu ona vasinasaun.

Jornalista: Camilio de Sousa

Editor: Jose Sarito Amaral