Print this page

Jojo, Pasiente Asintomatiku Covid-19 Iha Izolamentu Vera Cruz Featured

By Saturnina da Costa Maiu 16, 2021 709
Jojo das Neves Oliveira, pasiente asintomatiku, hamutuk ho nia pai  ne’ebé iha sintomas, durante halo tratamentu iha izolamentu vera crus . Foto:Jojo. Jojo das Neves Oliveira, pasiente asintomatiku, hamutuk ho nia pai ne’ebé iha sintomas, durante halo tratamentu iha izolamentu vera crus . Foto:Jojo.

DILI: Ema ne’ebé infeitadu Covid-19, maioria la hatudu sintomas tuir relatóriu Sentru Integradu Jestaun Krize (SIJK). Tuir dadus husi loron 21 fulan-Marsu tinan 2020 to’o loron 15 fulan-Maio tinan 2021 kazu pozitivu hamutuk 4,279, pursentu 9 de’it mak sintomas.

Ne’e hatudu katak transmisaun virus surtu Covid-19 iha ema nia isin lolon iha oin barak, balun hatudu sintomas (sintómatiku) no la hatudu sintomas (asintómatiku), katak normal, moderadu no gravé.
Hanesan pasiente asintómatiku Jojo das Neves Oliveira, ne’ebé fó nia sasin iha izolamentu Vera Crus katak, hafoin nia aman (pasiente Lourenço de Oliveira) detetadu positivu, nia la senti buat ruma iha nia isin lolon, laiha moras ka la hatudu sintomas, maibé hafoin rejultadu teste swab fó sai nia mós positivu Covid-19.
Iha nia uma, senti de’it mak la horon buat ruma nia morin no la senti hahan nia gostu, dala ruma han hahan tun ba mós senti intupidu iha garganta no hanesan nakonu ona. Dala ruma han kanuru ida ka rua senti bosu ona, hahan nia is sai fali mai senti bosu ona, maibé lae, senti kabun mamuk hela.
Iha izolamentu Vera Crus, sei enfrenta sinál ne’e to’o semana rua mak bele lakon. Lakon tiha halo tan teste swab dala ida, mak rejultadu ikus hatudu negativu mak foin bele fila ba uma.
Ba ekipa Online Independente, sábdu (15/5, iha nia knar fatin, Tuana Laran, Jojo esplika katak, kuandu rejultadu fó sai mak negativu bele fila ba uma ona, maibé sei positivu professional saúde sei atende nafatin ita iha izolamentu.
Doutor sira rekomenda mai ita, se lakohi swab no balun hetan ona positivu mak lakohi ba iha izolamentu ne’e, atu hemu vitamina nafatin, to’o nia lakon.
Ita luta atu kontra moras ne’e tenki hemu vitamina nafatin, maibé importante mak ita nia imunidade forte no han barak no hemu vitamina nia bele lakon rasik.
Idade Avansadu Sira
Tuir Jojo nia sasin iha izolamentu katak, kuaze pasiente sira ho idade avansadu, sira enfrenta uluk diárea, sira tama haris fatin la para, dada iis, isin manas nato’on de’it no mear. Maibé agradese wa’in tanba doutor sira atende di’ak hotu, dala ruma balun loron 10 de’it fila ba uma ona tanba imunidade forte nune’e moras ne’e lakon lalais.
Tanba ne’e, ema sira positivu sintomatiku ne’e han barak no hemu vitamina barak ne’e nia bele lakon la to’o semana.

 

Asistente Editor: Saturnina da Costa

Rate this item
(0 votes)
Last modified on Domingu, 16 Maiu 2021 12:40