Iha set dahuluk Ekipa Timor-Leste ho point 21 no Ángola iha de'it point 19, konttinua ba set daruak, Timor-Leste hamate ho point 21 no Ángola iha de'it 16.

Husi rezultadu ne’e, Timor-Leste tenke ona jogu, tanba konsege manan jogu set dahuluk no daruak ka manan Angola tuir-tuir malu.

Iha eventu voleiból ne'e,   Responsavel arbitru husi Mozambike Alvaro, Gomes hosi Portugál. Enkuantu jogadór hosi Timor-Leste mak Noe Siqueira no Felizberto Faria. Hosi Ángola mak Texeiro Voz no Ruben Campos.

Iha intervista, Jogadór Timor-Leste,  Felizberto Faria dehan, espera liuhosi vitória ida-ne'e bele haforsa liután iha jogu tuir mai.

“Ha'u kontente tebes, tanba bele halakon ekipa  hosi Ángola hodi bele  tama ba semi-finál. Espera jogu tuir mai ami bele manan nafatin hodi lori medalla ba ita-nia rai doben Timor-Leste,” Nia esperansa, iha kampu Praia Lesidere,  Segunda (21/07).

Rezultadu ne’e, nia afirma, presiza treinu másimu, nune'e bele gaña tan iha semi-finál.

“Presiza treinu másimu nune'e bele hadi’ak liután ami-nia jogu iha voleiból praia tuir mai. Tanba ami sei iha failansu ne'ebé enfrenta mak iha servisu no simu bola. Ida-ne'e tenke iha mentalidade ne'ebé di'ak,” Kata nia.

Nia  haktuir, kona-ba fasilidade sufisiente ona, maibe presiza treinu no hadi'a mentalidade iha kampu.

“Ita foin hahú ho jogu desportivu Komunidade País Lian Portugés, entaun ida-ne'e hanesan buat foun mai ita iha kampu, presiza melloria,” Nia konklui.

Treinadór  Voleiból Timor-Leste,  Felisano da Costa Soares informa, atu manan jogu nia savi importante mak tenke hadutu disiplina.

“Ida-ne'e pasu ba ita hodi hakat ba oin, ne'ebé ami-nia esperansa katak ami tenke hatudu buat ne'ebé di'ak no importante mak hatudu disiplina iha kampu,” Nia hakotu.