Print this page

INSS Hahú Ona Loke Inskrisaun Ba Rekuperasaun Ekonomia Featured

By Saturnina da Costa Maiu 10, 2021 406
Prezidente Instituto Nasional Seguransa Sosial, Longuinhos Armando. Foto:Independente. Prezidente Instituto Nasional Seguransa Sosial, Longuinhos Armando. Foto:Independente.

DILI:Hahú ohin loron 10 fulan-maio Ministeriu Solidariedade Sosial no Inkluzaun (MSSI) liu husi Diresaun tekniku Institutu Nasional Seguransa Sosial (INSS) loke ona inskrisaun ba rekuperasaun ekonomia.

Tuir Ministra Solidariedade Sosial no Inkluzaun (MSSI) hanesan mós Vise-Primeiru Ministru, Armanda Berta , husu ba públiku tomak katak Governu hamosu ona medidas sira kona-ba apoiu empregu no trabalhador sira ne’ebé afeitadu husi pandemia Covid-19 hodi labele hala’o sira atividade ho normal, hahú iha fulan-marsu nia laran.

“Hahú ohin loron 10 fulan-maio, ofisialmente hato’o ba públiku katak, iha ona medidas kona-ba apoiu empregu ne’ebé Governu hamosu, hodi bele tulun traballador sira ne’ebé afeitadu husi pandemia Covid-19, no  labele halo sira nia atividade ho normal. Hahú kedas iha fulan-marsu,”dehan nia iha konferensia imprensa iha sala reiuniaun, MSSI Kaikoli, segunda ohin (10/05).

Husu mós ba emperaza sira hotu ne’ebé rezista ona iha seguransa sosial ho empreza individual, trabalhador sira ho konta rasik, trabalhador servisu domestiku, no ba sira ne’ebé lakon servisu iha situasaun ida ne’e bele mai rezistu.

Nune’e ba sira ne’ebé seidauk rezistu bele mai rezistu iha dimploma ministerial ne’ebé vigora iha teritoriu laran tomak.

Armanda hatutan, implementasaun programa ida ne’e hala’o husi INSS, maibé ba pedidu bele hato’o mós iha sentru solidariedade 13 munisipiu inklui RAEOA.

Pedidu hirak ne’e bele hato’o liu husi meius elektroniku ho (E-Mail): segurançEste endereço de email está sendo protegido de spambots. Você precisa do JavaScript ativado para vê-lo., no situs MSSI:mss.gov.tl). 

Nia esklarese, apoiu ne’e la involve setor públiku sira.

Entretantu, Prezidente Instituto Nasional Seguransa Sosial (INSS), Longuinhos Armando hatete, Governu sei apoiu ba empregu sira ho orsamentu ne’ebé aprova iha Parlamentu Nasional no promulga husi Prezidente Repúblika,ba medidas neen.

Nia hatutan, apoiu sira ba medidas neen,  la hanesan ho medidas antes.

Ho nune’e, subsidiu extraordinariu ba trabalhador ho konta ema seluk nian iha pursentu 70 (70%),  subsidiu extraordinariu ba trabalhador  ho konta propriu, empregu individu, trabalhador servisu domestika iha pursentu 85 (85%).

Aliende, despensa iha pursentu 6 (6%), subsidiu extraordinariu ba dezempregu iha pursentu 40 (40%), subsidiu extraordinariu ba eletrisidade iha pursentu 50 (50%) no subsidiu extraordinariu ba renda iha pursentu 30 (30%).

Long hatutan, kona-ba inskrisaun, bele mós liu husi WhatsApp no email ne’ebé INSS estabelese ona, tanba agora dadauk iha hela situasaun konfinamentu domilisiariu nune’e labele halibur malu barak.

Tuir planu, loron ne’ebé termina ba inskrisaun ne’e bazeia ba dekretu lei numeru 14/2020 de 3 de maio, iha artigu 3 hatete katak depois loron 15 lei ne’e vigor.

 

Asistente Editor: Saturnina da Costa

Rate this item
(0 votes)
Last modified on Tersa, 18 Maiu 2021 16:47