Print this page

Governu Termina Konfinamentu Domisiliáriu Iha Dili, Mantein Serka Sanitaria Featured

By Saturnina da Costa Juñu 16, 2021 724
Ministru Prezidensia Konsellu Ministru, Fidelis Leite Magalhães. Foto:Dok/Independente. Ministru Prezidensia Konsellu Ministru, Fidelis Leite Magalhães. Foto:Dok/Independente.

DILI:Governu liu husi reuniaun Konsellu Ministru (KM) deside hodi termina ona konfinamentu domisiliáriu iha Kapital Dili, maibé mantein serka sanitaria ba loron hitu tan.

 “Hafoin analiza aprezentasaun husi kordenador Sentru Integradu Jestaun Krize (SIJK) kona ba pontu situasaun epidemiolójika surtu Covid-19 iha Timor-Leste, Governu deside termina konfinamentu domilisiariu jeral iha Kapital Dili,”dehan Ministru Prezidensia Konsellu Ministru, Fidelis Leite Magalhães iha konferensia imprensa, salaun Ministeriu Finansas Aitarak-Laran, Dili, kuarta ohin (16/05).

Tanba ne’e, Konsellu Ministru deside hodi la renova impozisaun konfinamentu domisiliáriu jerál husi populasaun Munisípiu Dili nian.

Entretantu, tuir dadus kazu foun Covid-19 loron horseik, iha kazu foun hamutuk 71, rekuperadu 206 no kazu ativu iha izolamentu hamutuk 1,354.

Enkuantu, total komulativu kazu konfirmadu iha Timor-Leste to’o loron horseik (15/06) hamutuk 8,412.

 

Asistente Editor: Saturnina da Costa

Rate this item
(0 votes)