Print this page
Fronteira terrestre entre Indonesia ho Timor-Leste Fronteira terrestre entre Indonesia ho Timor-Leste

Governu Taka Totál Fronteira ba Abitante Tama-Sai Featured

DIlI:Governu deside liu husi Konsellu Ministru taka totál fronteiras ba abitante sira ne’ebé tama-sai Timor-Leste liliu ba Timor-oan ne’ebé hakarak fila.

Konsellu Ministru lidera husi Primeiru Ministru Taur Matan Ruak aprova alterasaun dekreru Governu nian hodi suspende total, laiha movimentasaun tama-sai Timor-Leste husi sidadaun oioin.

Konsellu Ministru aprova mós alterasaun Dekretu Govemu ida ho, n.°3/2020 loron 28 fulan Marsu, kona-ba medidas ezekusaun sira husi deklarasaun estadu emerjénsia efetua husi Dekretu Prezidente Repéblika n.o 29/2020, loron 27 fulan-marsu.

"Ho alterasaun ida ne’e sei suspende temporadamente hahú husi segunda-feira loron 13 fulan-abril tinan 2020 ba sidadaun sira ne’ebé mai husi nasionalidade oioin tama mai iha territoriu nasional,"dehan komunikadu ne'ebé Jornál INDEPENDENTE asesu iha CCD,(06/04).

Fatin hanesan Ministru Negosiu Estranjeirus Kooperasaun (MNEK), Dionisio Babo Soares hatete, hetan ona aprovasaun ikus too hodi taka ona fronteiras terrestre no aeroportu.

Nia dehan, estudante sira ne'ebé vistu mate ne’e relasiona ho politika nasaun hotu tanba moras covid-19. Nunee

bele adia too fulan rua tolu.

"Covid19 ne'e iha nasaun hotu nune'e sidadaun ne'ebé hela iha ne'eba bele suspende too fulan tolu haat,hanesan Indonesia iha too fulan ne'e Australia too fulan 12 nebe laiha problema,"tenik nia.

Nia dehan, estudante Timor-oan iha estranjeiru rihun 40.000, seidauk sura no hirak ne'ebé inan aman selu rasik eskola iha indonezia no nasaun seluk bele too rihun 50.000.

"Ha’u apela ona ita suspende temporariu taka odamatan sidadaun sira labele tama sai ona,"tenik Ministru.

Entretantu, Governu mós asina ona akordu ho kompañia aero Australiana AirNorth hodi semo semana ida dala tolu atu transporta ekipamentu mediku relasiona ho nesesidade emerjénsia nian ba covid-19 ou servisu esensiál nian.

Read 4083 times
Rate this item
(0 votes)