Print this page
Reiuniaun Konsellu Ministru ohin loron 221/04, diriji husi Primeiru Ministru Taur Matan Ruak. Foto: Gab. MPCM PM Reiuniaun Konsellu Ministru ohin loron 221/04, diriji husi Primeiru Ministru Taur Matan Ruak. Foto: Gab. MPCM PM

Governu Husu PR Atu Renova EE Ba Dala-13 Featured

DILI:Governu liu husi Konsellu Ministru (KM) husu ba Prezidente Republika (PR) atu renova tan Estadu Emerjensia ba Dala-13.

Tuir Ministru Prezidensia konsellu Minsitru, Fidelis Leite Magalhães hatete, Konsellu Ministrus hala’o sorumutuk hodi delibera ona atu propoin ba Sua Exelénsia, Señór Prezidente Repúblika, Francisco Guterres Lú Olo, renovasaun estadu emerjénsia nian, ba loron tolunulu tan.

“Haree ba evolusaun preokupante husi situasaun epidemiolójika no proliferasaun ba kazu sira ne’ebé rejista ona husi kontájiu Covid-19 nian, nnune’e atu evita hodi neutraliza risku sira husi propagasaun SARS-CoV-2, atu bele proteje saúde públika no iha kbiit atu hatán ba Sistema Nasionál Saúde nian,”dehan nia iha konferensia imprensa iha Palasiu Governu (21/04).

Governante ne’e mós hatutan, Governu propoin ba Señór Prezidente Repúblika katak, ho renovasaun estadu emerjénsia nian ne’e, permite atu suspende ka limita direitu no garantia fundamentál balun.

Entretanto, estadu emerjensia ba dala-12 sei remata iha loron 03 fulan-maio tinan 2021.

 

Jornalista:Saturnina da Costa

Editor:Jose Sarito Amaral

Read 333 times Last modified on Kuarta, 21 Abril 2021 17:53
Rate this item
(0 votes)