Nune’e, iha faze dahuluk ne’e, Sekretáriu Estadu Formasaun Profisional no Empregu (SEFOPFE) sei haruka uluk jovem ne'ebé ho kualidade maka ba servisu iha Nova Zelandia.
Sekretáriu Estadu Formasaun Profisional no Empregu Rogério Aroujo Mendoça hatete iha pilotu dahuluk atu aplika ba iha Nova Zelandia sei hahú uluk ho durasaun fulan neen.
Nia dehan, ema hotu-hotu iha direitu atu aplika, no bainhira ekipa tekniku sira hare ona katak aplikante sira ne’e prense duni rekezitus no esperiénsia, maibé bainhira la prense rekezitus no sira ne'ebé mak sistema sei elemina.
"Prioridade pilotu dahuluk sei ba ho kualidade atu nune’e bele ganha empregadór sira ne'ebé maka presiza ita nia traballadór ho númeru ne'ebé boot iha futuru mai," dehan Rogério liu husi Konferénsia imprensa ne'ebé hala'o iha SEFOPE Kaikoli, Segunda (08/09).
Iha fatin hanesan, Diretór Nasionál Empregu no Estranjeiru João Correia Pereira hatete, Sekretária Estadu Formasaun Profissional Empregu (SEFOPE) liu husi Diresaun Nasional Empregu Estranjéiru (DNEE), anunsia katak, Programa Empregadór Seasonal Rekoñesidu (RSE) ne'ebé hahú daudaun ona hodi oferese oportunidade ba sidadaun Timoroan sira atu servisu iha setór agrikultura no vitikultura Nova Zelandia nian.
Tanba ne’e, aplikasaun ba vaga online ne’e hahú loke iha loron 8 to’o 12 fulan-setembru tinan ne’e.
Nune’e, Diretór Nasional ne’e husu ba Kandidatu hotu ne'ebé iha interese tenke lee ho kuidadu kriteriu elijibilidade no prepara dokumentu sira ne'ebé presiza molok atu rejista ba aplikasaun ne’e rasik.
Ho nune’e, husu mós ba kandidatu sira atu aplika ba vaga refere, bele haree detallu kriteriu sira iha ne’e:
Atu bele aplika, favór ida halo tuir pasu sira tuirmai ne'e:
- Lee kriteriu elijibilidade hotu-hotu ho di’ak no loos; detallu sei aneksa iha pajina tuir mai.
klick iha ne’e hodi hare detaillu: http://dnee.sefope.gov.tl/wp-content/uploads/2025/09/RSE-Online-Application Details_SEFOPE_DNEE_V1_2025.pdf
klick iha ne’e hodi hare maneira registu: http://dnee.sefope.gov.tl/wp content/uploads/2025/09/RSE-Application-Timor-Leste-2025-Step-By-Step-Guideline-1.pdf
- Prepara dokumentu hotu ne'ebé presiza ho di’ak, molok rejista.
- Asesu ba sítiu aplikasaun online ne’e sei liu husi link ne'e: https://timorleste.pacificlabour.org/register
- Hare ho didi'ak formuláriu ne'e," asegura katak tenki priense informasaun hotu no submete/upload dokumentu sira ne'ebé presiza.
- Bainhira kompleta ona, klik "Submete aplikasaun" atu kompleta Ita-nia aplikasaun online.
Enkuantu, aplikasaun hotu tenke aprezenta liu husi sistema RSE DNEE nian ne'ebé hanaran Sistema IRD.