“Desizaun ne'e kontinua Rezolusaun Governu númeru 45/2023, loron 10 fulan-novembru, ne'ebé prolonga ona tuituir malu liuhosi Rezolusaun númeru 17/2024, loron 24 fulan-abril, númeru 60/2024, loron 7 fulan-novembru, númeru 22/2025, loron 7 fulan-abril no númeru 77/2025, loron 17 fulan-dezembru. Presupostu sira ne'ebé justifika suspensaun ne'e vigora nafatin, liu-liu nesesidade atu hametin dame sosiál ne'ebé hetan ona dezde fulan-novembru 2023 no atu garante katak prátika arte marsiál sei bele halo de’it iha kontestu desportivu, hodi kontribui ba formasaun sívika no umanista ba joven sira,” Sita komunikadu ne’ebé Online INDEPENDENTE asesu, kuarta (03/06).

Iha loron 30 fulan-jullu tinan 2025, Governu Konstitusionál IX aprova proposta lei ida, ne’ebé submete ona ba Parlamentu Nasionál, ne’ebé ho objetivu atu regula rejime jurídiku foun ba prátika arte marsiál. To'o nia aprovasaun no tama iha vigór, kontinua nafatin suspensaun no enserramentu temporáriu ba fatin sira ne'ebé utiliza ba ensinu, aprendizajen no prátika arte marsiál.