Desizaun husi Konsellu Ministru ne'e foti, hafoin rona aprezentasaun proposta husi husi Ministru Petróleu no Rekursus Minerais, Francisco da Costa Monteiro.

Despeza ne’e mai hosi dotasaun orsamentál hosi Ministériu Petróleu no Rekursus Minerais, iha ámbitu Programa A17, ne’ebé ho objetivu atu “Dezenvolve Polítika no Prátika Di’ak iha Indústria hodi Garante Partisipasaun Másima Timor-oan sira-nian iha Atividade Setór ne’e nian”.

“Ohin aprezenta ba konsellu ministru hodi bele aprova tranferensia publika ba Timor Gap tuir lei orsame ntu nia katak, buat hotu ne'ebé mak transferensia publika transfere ba entidade publika ruma karik persiza reuniaun konsellu ministru,”  Esplika Ministru Petróleu Rekursu Minerais, Francisco Monteiro ba jornalista iha Palasio Governu, Kuarta (30/04).

Nia hatutan, kona-ba orsamentu transferensia publika ne'e hamutuk $40 milloes ho objetivu atu apoiu investimentu sira ne'ebé Timor Gap persiza halo inklui sira nia partisipasaun iha Greate Sunrise nomós futuralmente ba bloku sira ne'ebé sira halo explorasaun iha ne'eba.