Tuir komunikadu ne’ebé Média INDEPENDENTE asesu katak diploma ida-ne’e nia objetivu atu korrije kontradisoins ne’ebé identifika durante prosesu regulamentasaun hosi rejime ne’ebé vigora daudauk.

Nune’e bele garante nia kompatibilidade ho rejime jerál lisensiamentu ba atividades ekonómikas no ho rejimes setoriais seluk, hanesan rejimes ba turizmu, saúde, petrolíferu no minerál.

“Ho alterasaun ne'ebé agora aprova ona, estabelesimentu sira ne'ebé hala’o atividade hanesan restaurante no fa'an bebidas, no mós sira ne'ebé fa'an produtus farmaséutikus, kombustíveis no mineráis esklui hosi rejime ida-ne'e, tanba atividade sira-ne'e iha nafatin sira-nia lejizlasaun rasik.  Introdús mós aperfeisoamentu balu no rekizitu tékniku aplikavel balu ne'ebé simplifika ona ba estabelesimentus komersiais,” Haktuir komunikadu.