Print this page

Governu Aloka Orsamentu Tokon U$8 ba Konstrusaun Postu Saúde Iha Teritoriu TL Featured

By Saturnina da Costa Jullu 07, 2021 364
Ministra Saúde, Odete Maria freitas Belo. Foto:Saturnina/independente. Ministra Saúde, Odete Maria freitas Belo. Foto:Saturnina/independente.

DILI: Governu liu husi Ministériu Saúde (MS) iha tina 2022-2023, aloka ona orsamentu hamutuk dolar amerikanu tokon U$8 ba konstrusaun postu saúde no rezidensia pessoal saúde sira iha teritoriu tomak.

Ministra Saúde, Odete Maria freitas Belo hatete, iha tinan ne’e Governu nafatin halo konstrusaun ne’ebé harii ona iha tinan 2020, liu-liu ba iha Covid-19 nian, ne’ebé iha prozetu hamutuk 44 mak dadauk ne’e hala’o hela.

“Tinan ne’e ita halo konstrusaun 9, maibé 7 ba iha postu saúde hamutuk ho rezidensai médiku sira no 2 iha iha Maliana ba iha pediatria nian no ba baixa nian,” dehan nia ba jornalista sira, iha rezidensia PM Farol, tersa, (06/07).

Enkuantu, konstrusaun hotu ne’ebé importante liu mak ICU ba iha Covid-19 nian, Laboratorium iha Sentru Saúde sira nomós iha konstrusaun  balun ne’ebé lakompletu no médiku hakarak halo estensaun ba fatin ruma, tanba ne’e Governu presiza atu hadia.

Nia akresenta, konstrusaun sira ne’e, balun atinji ona pursentu 100 (100%) no dadauk ne’e  uza ona, hanesan Tasi-Tolu, Lahane no balun atinji ona pursentu 90 (90%), maibé iha balun mós foin mak inisia.

Ho nune’e, ba iha konstrusaun sira ne’e, orsamentu tinan 2022-2023 Governu koloka hamutuk tokon U$ 8 atu bele haree ba iha postu saúde atu atu harii tan no mós rezidensia médiku sira nian.

 

Asistente Editor: Saturnina da Costa

Rate this item
(0 votes)
Last modified on Kuarta, 07 Jullu 2021 15:28