Hafoin remata Simeria ASEAN ba dala-46 ne'ebé hala'o iha Kuala Lumpur Malaysia,  Vise Primeiru Ministru, Ministru Koordenador Assuntu Ekonomiku, Ministru Turismo no Ambiente Francisco Kalbuadi Lay, akompaña husi Vise Ministra Asuntu ASEAN, Milena Maria da Costa Rangel no Vise Ministru Komersio Industria, Augusto Junior Trinidade informa membru ASEAN hotu-hotu aseita ona Timor Leste atu sai membru ASEAN.

"Nasaun ASEAN tomak deklara katak sira prontu ona simu Timor-Leste tama ba ASEAN, hahÚ ohin maibe offisialmente seremonia ne’e sei hahÚ iha fulan Outubro tinan ne’e, maske nune’e ita presija priense tekniku balun. Ha’u mós hakarak kongratula povu Timor-Leste tomak, la haluha agradese ba Prezidente Republika José Ramos Horta ne'ebé uza nia diplomasia tomak no liu-liu ba Governo ida ne'ebé lidera husi Maun Bo'ot Kay Rala Xanana Gusmão, durante ne’e ita tuir reuniaun ASEAN dala lima, maibé ho grasa Maromak nian ohin sira simu ona Timor-Leste sai membru ASEAN nian ba 11,"dehan Francisco Kalbuady Lay, liu husi komunikadu ne’ebé Online INDEPENDENTE asesu, iha pajina Vise PM no Ministru Koordenador Ekonomia no Ministru Turizmu no Ambiente, Segunda ne’e (26/05/25).

Iha fatin hanesan, Vise Ministra Asuntu ASEAN, Milena Maria da Costa Rangel agradese ba Maromak no Povu Timor Leste tanba esforsu ne’ebé la’o ne’e, esforsu koletivu.

“Nu’udar Timor oan ita tenki agradese tanba ita tama ho priense rekejitus. Iha fulan Outubru sei iha Simeira badala 47 iha momentu ida ne’e sei selebra mós seremonia admisaun Timor-Leste nian, sei partisipa mós husi ita nia lideransa masimu hotu hamutuk ho lideransa masimu estadu membru ASEAN inklui paseiru dialogu. Ha’u agradese ba Prezidente Republika, Povu Timor Leste tanba ohin ita bele sai ona membru estadu ASEAN ba 11”.