Print this page

Familia Afetadu 50% Hetan Ona Apoiu Emerjensia Husi SEPS Featured

By Camilio de Sousa Maiu 05, 2021 536
SEPS fahe nesesidade bazika ba vitima sira iha Tasi-Tolu. Foto: Camilio/Independente. SEPS fahe nesesidade bazika ba vitima sira iha Tasi-Tolu. Foto: Camilio/Independente.

DILI:Familia afetadu husi dezastre naturais ne’ebé akontese iha loron 4 fulan-abril, hetan ona apoiu Emerjensia husi Sekretaria Estadu Protesaun Sivil (SEPS).

Tuir Sekretaria Estadu Protesaun Sivil, Joaquim Amaral dos Reis Martins hatete, ekipa husi Ministeriu Administrasaun Estatal (MAE) ho protesaun Sivil halo ona levantamentus dadus ba familia sira ne’ebé hetan uma estragus.

Nune’e bele hetan apoiu iha faze rekuperasaun nian hodi harii fali sira nia uma.

“Ohin ita kompleta ona fulan ida ba kalamidade (siklone seroja) ne’ebé akontese iha loron 4 fulan-abril, nune’e governu halo kedan levantamentus hodi rezista dadus vitima hamutuk 33.177, husi numeru ne’e ita apoiu emerjensia aihan no sasan uma laran atinji ona 50%,”dehn nia bainhira hala’o inkontru ho PM iha residensia Farol, (04/05).

Nia hatutan, husi numeru vitima dezastre naturais 33.177, iha familia 90% mak husi Kapital Dili no 10% iha Munisipiu sira.

Entretantu, tuir dadus MAE familia sira ne’ebé uma hetan estragus makas hamutuk 25.000 kompostu husi uma estragus total hamutuk 553 no estragus kaman hamutuk 24.000.

Tanba ne’e iha orsamentu retifikativu prevee ona miliaun $ 55 ne’ebé hetan ona aprovasaun husi Prezidente Republika hodi fó asistensia ba vitima afeitadu sira.

 

Jornalista:Camilio de Sousa

Asisten Editor:Saturnina da Costa

Rate this item
(0 votes)