Maibé, tuir nia haree katak, iha bairu laran komunidade barak kontinua la kumpre regra estadu emerjénsia, tanba ne’e nia sei orienta PNTL ho F-FDTL tama sai bairu, ema ne’ebé ko’alia la rona basá.

Tanba ne’e Komandu F-FDTL ne’e husu ba komunidade tenke kumpri regra Estadu Emerjénsia nian.

“Ita haree movimentasaun iha estrada hahú menus, maibé iha bairu sira mak la di’ak, tanba komunidade sira loke muzika, joga karta, tanba ne’e ha’u dehan di’ak liu PNTL ho F-FDTL halo patroillamentu tama sai bairo komunidade ne’ebé ko’alia la rona tenke basa,” dehan Lere ba jornalista sira hafoin partisipa enkontru implementasaun regras Estadu Emerjénsia iha CCD, Sesta (10/04).

Sentru Integradu Jestaun Krize (SIJK), relata kazu foun timor-oan ida positivu coronavirus (Covid-19).

Timor-oan ne’e tama ona sala izolamentu nian, enkuantu suspeitu positive ida uluk rekoopera no alta ona, hafoin teste mostra ran dala rua iha laboratoriu Dili, hatudu rejultadu negative no reforsa iha laboratoriu Darwin kontinua hatudu negativu.