Print this page

Estudante Ensino Superior Rihun 38.107 Sei Hetan Pulsa $10 ba Estudu Online

By Rufino Dos santos Barreto Jullu 25, 2021 1554
Reprejentante kompania Telemor ho Diretór Jerál Administrasaun Finansa-MESSK, asina MoU oferese, hodi rede internete no universidade privadu sira, sesta (23/7), iha salaun MESSK. Foto: Independente Reprejentante kompania Telemor ho Diretór Jerál Administrasaun Finansa-MESSK, asina MoU oferese, hodi rede internete no universidade privadu sira, sesta (23/7), iha salaun MESSK. Foto: Independente

DILI:Ministériu Ensinu Superior Siensia no Kultural (MESSK) asina ona Nota de Entendimentu (MoU-sigla Inglesh) ho kompañia telekomunikasaun tolu, Telemor, Timor Telekom no Telekomsel, hodi oferese rede internete ba universidade privadu no oferese pulsa ba estudante Ensino superior sira.

Hafoin asina MoU, iha sesta (23/7), Diretór Jerál Administrasaun Finansa-MESSK, Hernani V. da Costa Soares hateten, apoia pulsa ba internete ne’e la inklui Universidade Timor Lorosa’e (UNTL) ho Instituto Politekniku Betanu (IPB).

Universidade privadu hamutuk 16 mak sei hetan rede internete no manda pulsa ho valor osan $10 ba estudante sira atu utiliza ba estudu online nian, relasiona situasaun pandemia Covid-19.

Tuir lista Ministériu Ensinu Superior Siensia no Kultural, estudante hamutuk rihun 64, maibé lista númeru telefone ne’ebé manda husi universidade privadu sira rasik hamutuk rihun 38.107.

Husi total ne’e, kompañia telekomunikasaun sira sei fahe, kompañia telekomcel kuaze rihun 5, Telemor rihun 23 no Timor Telecom rihun 9.

Durasaun kontratu ba fulan tolu, hahú fulan-Jullu to’o Setembru 2021. Estudante sira sei simu pulsa kada fulan.

“….númeru boot tebe-tebes hanesan ohin ha’u dehan 64.000 mak foin tama mai iha ministériu 38.107, agora pulsa ne'ebe ami haruka ba estudante sira ne'e pulsa ita fahe ba fulan tolu, to'o fulan ita haruka $10 pur nomeru ba estudante. Fulan tolu ami hahú asina kontratu ba loron ohin, mekanismu halo transferensia direta ba iha estudante sira nia nomor kontaktu ida-idak,”dehan Diretór ne’e.

Iha fatin hanesan Diretór sistema de informasaun (DSI), Ladislau Saldanha hatutan, apoiu rede internete ne’e iha vantazen boot, tanba hafoin mosu pandemia Covid-19, estudante sira hela hotu iha uma, laiha pulsa atu asesu ba estudu online.

Nia esplika, apoiu rede internete ne’e ho tipu rua liuhusi klase online, ida koneksaun eskola no rua koneksaun ba estudante.

Maibé ida koneksaun eskola nian liuhusi kada universidade hetan kapasidade internete 5 MGB no estudante sira sei hetan pulsa $10.

Tuir kontratu, kada fulan pulsa $10 ne'e fahe ba rua, sei manda kada loron 15, fulan ida manda dala rua, atu nunee bele kontrola utilizasaun pulsa internete.

 

Asistente Editor: Saturnina da Costa

Rate this item
(0 votes)