Print this page

Estadu Emerjénsia: Amu Crispim Sujere Suspende Kestaun Politika Featured

By Aquino Gomes Abril 10, 2020 2697
Amu Crispim Amu Crispim

DILI: Jurista Timor-oan Pe. Júlio Crispim sujere atu politiku na’in sira suspende kestaun politika ne’e iha situasaun periodu Estadu Emerjénsia.

Tuir nia katak, loloos nasaun agora implementa Estadu Emerjénsia tenke suspende kestaun politika hotu atu nunee orgaun soberania sira fokus ba problema surtu coronavirus (Covid-19) ne’e.

“Ha’u nia hanoin simples ne’e iha hela ambitu ida estadu emerjénsia, kestaun politika nian, ita loloos suspende hotu lai hein to’o estadu emerjénsia ne’e remata mak ita foin bele book atu demisaun Governu ka atu halo buat ruma,”dehan Amu Crispim, iha nia rezidensia Pantai Kelapa Kinta ()9/04).

Amu kestiona nasaun ne’e iha hela situasaun ameasadu husi surtu coronavirus, maibé Primeiru Ministru foti asaun retira nia demisaun no Presidente Repúblika aseita.

Tanba ne’e, tuir nia atu resolve problema iha buat rua ne’ebé importante hodi hakat liu impase politika rai laran.

“Agora ita resolve probelam rua, ita nia problema politika iha buat rua ne’ebé mak presija atu resolve, ida bolu naran impase politika ne’e ligadu liu ba iha membru VIII governu ne’ebé la kompletu, ida seluk mak VIII Governu laiha orsamentu jeral estadu 2020,”dehan nia.

Rate this item
(0 votes)