Nia hateten, akizasaun di'ak liu husi Timor-Leste, oinsa atu kolabora hodi fasilita formasaun iha area entreprende.

“Ohin mai vizita iha ne'e, tanba ita nia alunu sira mai ho númeru boot kuaze 400-resin, nune'e atu halo kolaborasaun oinsá mak bele ajuda fó formasaun iha area ida ne'e, tanba nesesidade ne'ebé di’ak,” dehan nia ba jornalista sira, hafoin enkontru ho Ministra Edukasaun, iha sala  VIP ME Vila Verde, Kinta (09/04).

Emprezariu ne'e subliña,  ideia ida ne'e sei fo treinamentu ba profesór sira, entaun husi profesór sira ne'ebé hetan treinamentu mak profesór no mos formasaun sei mutiplika ba alunu sira.

Dadaun, nia dehan posibilidade sei servisu hamutuk ho Ministériu Edukasaun atu halo planu.

“Ita sei servisu ho Ministériu Edukasaun atu halo planu katak, sira atu mai na’in hira, no oinsa maka bele halo formasaun sei prosesu nia laran,” Nia dehan.

Purtantu Ministra Edukasaun, Dulce de Jesus Soares, hatuta, koperasaun ida ne'e sei foka liu ba area formasaun, liu-liu  ba iha Ensinu Sekundária Tékniku Vokasionál.

“Tanba sira mós iha universidade ida sei posivel iha futuru sira bele fó formasaun profesór sira,” Dehan nia.

Govenante ne'e afirma, ME iha inisiativa atu esplora posibilidade halo atu fó formasaun kona-ba entreprende, iha nivel Ensinu Sekundária Tékniku Vokasionál.