Print this page

Ema Ilegál Tama iha Fronteira Hahú Menus Featured

By Domingos Gomes Abril 22, 2020 2857
Fronteira Indonesia-Timor-Leste Fronteira Indonesia-Timor-Leste

DILI: Komandante Jerál Polísia Nasionál Timor-Leste (PNTL), Komisáriu Faustino da Costa relata, daudaun ne’e sidadaun sira ne’ebé tama ilegalmente iha fronteira terrestre durante Estadu Emerjénsia hahú redús.

“Númeru la'ós sa’e, númeru ita komesa redús ona,” dehan nia, iha Kuartél Jerál PNTL, Kaikoli, horisehik.

Nia dehan, númeru ema tama ilegál hahú redús tansá la'ós polísia no autoridade lokál sira mak servisu makaas, maibé estudante sira ne’ebé hala’o estudu iha nasaun Indonézia mak hahú menus ona, no balun mós komesa entende ona situasaun ne’e.

Nia esplika, prosesu ba sira nu’udar timoroan prosedimentu normál obrigatóriu haruka sira ba kuarentena, maibé sira ne’ebé la’ós timoroan imediatu rekuza no haruka fila sira-nia nasaun.

“Polisia kontinua rejistu kazu sira ne’e mak akontese iha rai-laran hanesan krime komun ne’ebé kontinua akontese iha oras 24 nia laran,” katak nia.

Alende ne’e, Komandu Jerál PNTL mós preokupa ho joven sira ne’ebé halibur hamutuk hodi konsume alkol hafoin kria konflitu entre sira ho sira durante Estadu Emerjénsia.

“Iha Estadu Emerjénsia ita-nia joven sira hemu hamutuk tiha depois baku malu, ami mós halo kapturasaun joven lubuk ida depois ami tau iha sela,” tenik nia.

Komisáriu Faustino, loloos situasaun sira hanesan ne’e labele mosu iha Estadu Emerjénsia, di'ak liu hakmatek iha uma hodi kumpre regra sira, nune’e Timor bele ultrapasa situasaun ne’e.

“Dala-ruma sira hanoin katak atu kombate Covid-19 ne’e hemu alkol, maibé la signifika hemu tiha hotu depois baku malu,” dehan nia.

Rate this item
(0 votes)

Related items