Print this page
Postu EhD, iha Mascarinhas Dili. Foto Saturnina da Costa/INDEPENDENTE. Postu EhD, iha Mascarinhas Dili. Foto Saturnina da Costa/INDEPENDENTE.

EhD 500 Sei Hetan Nesesidade Bazika Husi MSSI Featured

DILI:Ema ho Defisiensia na’in 500 sei hetan apoiu nesesidade bazika husi Ministeriu Soliedariedade Sosial no Inkluzaun (MSSI).

Diretór Jeral MSSI, Rui Manuel Expostu hatete, nesesidade bazika ne’ebé apoiu husi Plan Internasional no Uniaun Europeia sei haree mós ba Ema ho Defisiensia sira.

“Tuir ami nia alvu dadus ne’ebé iha suporta ne’e sei apoiu ba familia uma kain 5.755 no inklui mos Ema ho Defisiensia na’in 500, nune’e sasan sira ne’e ami sei distribui ba sira,”dehan nia iha salaun MSSI, Kaikoli, (09/04).

Nesesidade bazika sira ne’e apoiu husi Plan internasional ne’ebé finansia husi Uniaun Europeia mak hanesan, fós 20kg hamutuk saka 3.365, mina 500ML hamutuk kaixa 282 no mós Deho hamutuk kaixa 134.  

Molok ne’e, MSSI apoiu ona fós saka 450 ba iha Asosiasaun Defisiensia Timor-Leste (ADTL).

Entretanto, Country Director Plan International Timor-Leste, Dillyana Ximenes hatete,  Plan International nafatin servisu hamutuk ho governu no parseiru sira hodi garante katak intervensaun durante emerjensia ne'e inkluzivu.

Nune’e Plan International Timor-Leste kontinua servisu ho nia parseriu sira, Uniaun Europeia, governu no mos sobrevivente hodi fornese nesesidade kurtu no longu prazu hodi fo responde imediatu liliu ba labarik, joven no ema ho defisiensia.

Apoiu sira ne’e husi Plan Internasional ne’ebé finansia husi Uniaun Europeia hamutuk dolar amerika rihun $50.

Read 388 times Last modified on Sexta, 09 Abril 2021 19:20
Rate this item
(0 votes)