Embaixadór Estraordináriu La’ós Rezidénsia, EAU, Abdulla Salem AIDhaheri hato’o felisitasaun ne’e durante enkontru ho Primeiru-Ministru (PM), Kay Rala Xanana Gusmão, iha Palásiu Governu.

“Ami diskute área kolaborasaun barak ne'ebé interese bá parte rua. Ami diskute ona projetu prinsipál ida maka projetu koléziu bá estudante feto ne'ebé sei inaugura iha tempu badak,” Abdulla Salem AIDhaheri hateten iha Palasio Governu, segunda (18/05).

Nia dehan, Timor-Leste ho EAU sei realiza asinatura akordu prinsipál rua mak hanesan, akordu evita duplu tributasaun no ida seluk maka akordu protesaun investimentu.

Tanba ne’e, nia husu apoia másima hosi Prezidente Repúblika, José Ramos-Horta no Primeiru-Ministru, Xanana Gusmão atu bele aselera prosesu finalizasaun akordu rua ne’e, nune’e nu’udár investidór bele halo investimentu iha TL di’ak liu-tán.