Komisariu Autoridade Aduaneiru Joanico Pinto hatete, reseita ne'e Alfándega kobre husi pontu entrada hanesan Batugadé, Salele Suai, Aeroportu Prezidente Nicolau Lobato Comoro no  Portu tibar.

"Nune'e mós husi postu atendimentu ida ami loke iha Tunu-bibi, bainhira pasajeirus sira ne'ebé mak ultrapasa iha ne'ebá no mós ho postu office ida iha Aeroportu Dili ne'e, entaun kargo sira kiik ne'ebé haruka husi ne'ebá ne'e ami kobre husi ne'e," dehan Komisariu Aduaneiru ba Jornalista sira iha Salaun MF, Tersa (23/09).

Komisariu hatutan, husi númeru ne’e, maioria husi Portu Tibar ne'ebé kontribui hamutuk millaun $76.434.883,94.

“Ne'e mak kontribui boot liu ba reseita aduaneira,”tenik nia.

Nia subliña, enkuantu iha tinan 2024, Alfándega kolleta reseita hamutuk Millaun $108.883.730,80.