Ho Aviaun ofisiál Prezidente Estadus Unidus nian, Air Force One, tun iha Komplexu Bunga Raya, Aeroportu Internasionál Kuala Lumpur (KLIA) iha tuku 9.54 dadeer no hetan benvindu hosi Primeiru-Ministru Datuk Seri Anwar Ibrahim.
"Vizita ida-ne'e marka vizita ofisiál dahuluk Trump nian ba Malázia no Sudeste Aziátiku dezde eleitu nu'udar Prezidente Estadus Unidus nian ba mandatu daruak iha Janeiru".
Trump hanesan Prezidente norte-amerikanu datoluk iha istória ne'ebé vizita Malázia, hafoin Lyndon B. Johnson iha tinan 1966 no Barack Obama iha tinan 2014 no 2015.
Enkuantu, Simeira ASEAN ba dala 47 hahú ohin, halibur delegadu rihun ba rihun hosi rejiaun tomak hodi hametin kooperasaun no harii futuru ASEAN ida ne’ebé inkluzivu, prósperu no reziliente liu.
Bainaka importante sira ne'ebé partisipa iha serimonia simeira ASEAN ne'e mai husi nasaun sira lider membru ASEAN nian, hanesan Primeiru Ministru Malázia Datuk Seri Anwar Ibrahim, Primeiru Ministru Brunei Darusalam Sultan Hasanal Bolkiah, Primeiru Ministru Kambodia Hun Manet, Primeiru Ministru Singapura Lawrence Wong, Primeiru Ministru Laos Sonexay Siphandone, Primeiru Ministru Tailandia Anutin Charnvirakul, Prezidente Repúblika Indonezia, Probowo Subianto, Prezidente Repúblika Filipina, Ferdinand Marcos Jr, Primiru Ministru Vietname Pham Minh Chinh.
Alem de ida ne'e, baiñaka importante sira seluk maka hanesan Prezidente Republika TL José Ramos Horta, Primeiru Ministru TL Kay Rala Xanana Gusmão ho membru governu balun, Prezidente Amerikan Donald Trump, PM Xina Li Qiang, Prezidente Korea Lee Jae Myung, PM Japaun Sanae Takaichi, Prezidente Brasil Luiz Inacio Lula da Silva, Prezidente Afrika Matamela CyrilRamposa, PM India Narendra Modi (Virtual), PM Kanada Mark Carney, PM Australia Anthony Albanese, PM New Zelandia Christopher Luxon, Sekretáriu Jerál ONU Antonio Guterres, DPM Rusia Alexey Overchuk, Prezidente EU Counsil Antonio Costa, Vise World Bank no Prezidente Rejiaun Azia Pasifiku Carlos Felipe Jaramillo, Diretóra Jerente ba Fundu Monetáriu Internasionál Kristalina Georgieva no Prezidente FIFA Gianni Infantino.
Kopia mos husi: BernamaNews