Print this page

Dadus TL 17 Abril: Suspeitu 236, Positivu 18, Rekooperadu 1 Featured

By Elsa Belinha Abril 18, 2020 3033
Corona Tracker-WHO Corona Tracker-WHO

DILI: Sala Situasaun Sentru Integradu Jestaun Krize (SIJK), informa katak sesta-feira ohin (17/4) laiha kazu foun ba moras coronavirus (COVID-19).

Tuir dadus husi loron 10 too 17 fulan-Abril, kazu konfirmadu positivu hamutuk 18, rekooperadu na’in ida, kazu foun laiha, mate laiha, rejultadu seidauk determinadu (provavél) na’in haat (4), suspeitu 236, kazu laboratoriu (hein rejultaadu 19), no negativu 195.

Entretantu, konfinamentu obrigatóriu kuerentina hamutuk 954, kompostu husi Dili 473, no Munisipiu 121. Autor kuerentina Dili mamuk (0), no Munisipiu 13. Pasa ona loron 14 hamutuk 1340, kompostu husi Dili 1122, no Munisipiu 218.

Tuir Portavoz SIJK, dr. Rui Maria de Araújo hatete, númeru abitante konfirmadu positivu COVID-19, loron sesta-feira ohin nian la aumenta. Nafatin ho númeru positivu na’in 17, la inklui na’in ida rekooperadu no provavél sira hamutuk iha fatin izolamentu Sentru Saúde Vera Crus Dili.

Dr. Rui Maria dehan, sira ne’ebé konfirmadu positivu no provavél hamutuk iha fatin izolamentu Sentru Saúde Vera Crus, maibé hela iha fatin ketak-ketak.

Nia esplika, husi númeru konfirmadu ho provavél ne’ebé oras ne’e iha fatin izolamentu, fahe ba ba grupu haat. Grupu primeiru; halo viajen husi fronteira-Batugade mai Dili iha loron 1 fulan-Abril ho bis Maliana, no sira kuerentina iha Otél Katuas ne’ebé konfirmadu positivu hamutuk na’in 16, no provavel na’in rua (2).

Grupu segundu; halo viajen husi fronteira mai Dili ho bis Maliana iha loron 29 fulan-marsu, no kuerentina iha Otél Fortuna, ne’ebé provavél na’in ida. Grupu terseiru; halo viajen husi fronteira mai Dili ho bis MTCI nian iha loron 2 fulan-Abril, no kuerentina iha Otél Timine, ne’ebé konfirmadu na’in ida. Grupu kuartu; ne’e mós halo viajen husi fronteira mai Dili ho bis Maliana iha loron 8 fulan-Abril ba kuerentina iha Otél Novo Orizonte, ne’ebé provavél na’in ida.

Entretantu tuir númeru afeitadu COVID-19 mundiál, sesta ohin (17/4) ne’ebé rekoilla husi online Worldometer hatudu katak kazu abitante afeitadu hamutuk millaun 2.179.905, mate rihun 145.410, no rekooperadu rihun 546.743.
Estadu Unidos Amerika (EUA) nasaun ida dahuluk afeitadu ema mate barak husi COVID-19, afeitadu infesaun rihun 677.056, mate rihu, no rekooperadu rihun 57.271.

Enkuantu nasaun sira iha ASEAN, hanesan Indonesia total kazu afeitadu hamutuk 5923, mate 520, no rekooperadu 607. Filipina total kazu afeitadu hamutuk 5878, mate 387, no rekooperadu 487. Malaysia total kazi afeitadu hamutuk 5251, mate 86, no rekooperadu 2967.

Rate this item
(0 votes)