Print this page
Dra. Odete Viegas Dra. Odete Viegas

Dadus 4 Maiu Covid-19: Konfirmadu Mantein 24, Suspeitu Hein Rezultadu Laboratóriu 103 Featured

DILI: Atualizasaun dadus ba loron 04 fulan Maiu ne’e Suspeitu na’in 103 hein rezultadu laboratóriu.

 Portavoz Sentru Integradu Jestaun Krize (SIJK) Doutora Odete Viegas da Silva hatete, dadus komulativu ba suspeitu ne’ebé halo teste laboratóriu hamutuk 706, sira ne’ebé hein rezultadu konfirmasaun husi Australia hamutuk 103.

“Agora dadaun kazu konfirmadu pozitivu mantein 24, rekuperadu pozitivu 16 no provavel na’in 4,”dehan nia liuhusi konferensia imprensa iha CCD, ohin.

Total rezultadu laboratóriu negativu hamutuk na’in 579, iha izolamentu hamutuk na’in walu (8), professional saúde iha karantina na’in 40.

Ema ne’ebé sei iha karantina hamutuk 273 kompostu husi Dili 212 no iha munisipiu 41. Halo auto karantina hamutuk na’in 61 iha munisipiu sira. Abitante ne’ebé passa ona loron 14 iha karantina hamutuk 1941 kompostu husi Dili hamutuk 1539 no iha munisipiu 402.

Nia dehan, suspeitu sira ne’ebé agora dadaun hein rezultadu laboratóriu ne’e abitante husi sira ne’ebé halo kontaktu ho professional saúde konfirmadu pozitivu Covid-19 no sira iha karantina ne’e.

Husu ba komunidade atu kumpri nafatin protokolu husi Organizsaun Mundial Saúde (OMS) nian kuidadu nafatin ijiene pessoal fase liman bebeik mantein distansiamentu sosial nomós distansiamentu fíziku. Hakmatek iha uma kuandu la iha nesesidade ne’ebé importante iha li’ur. Sai ba li’ur tenke uza maskara.

Nia mós informa, bainhira iha sintomas infesaun respiratória aguda (IRA) hanesan isin manas, kakorok moras, me’ar, inus-been, ruin kiik- bo’ot siin halo favor ba konsulta iha sentru saúde ka ospital sira. Se lakohi atu hetan moras Covid-19 ne’ebé grave ka krítiku hapara fuma sigaru no hemu tua.

Read 2926 times
Rate this item
(0 votes)